Decouverte "Petite Marquise": Iechternacher Bauprojet muss geännert ginn
Den Iechternacher Buergermeeschter Yves Wengler fuedert, datt de Staat d'Mise en Valeur vun enger archeologescher Decouverte am Zentrum vu senger Stad iwwerhëlt. Viru Kuerzem ass am Zentrum vun Iechternach e Gemaier fonnt ginn, dat wahrscheinlech op d'Zäit vum hellege Willibrord am fréie Mëttelalter zréck geet.
De Buergermeeschter seet seng Gemeng hätt net déi finanziell Moyen fir de Site ze aménagéieren. Och eventuell Subside vum Kulturministère géifen näischt dorun änneren.
"Substanziell Subside kréien, heescht datt mir Bauhär wären. An et ass genau dat, wou ech meng Mokrämp domatt hunn. Et ass net datt ech d'Responsabilitéit well ofginn, mee ech well de finanziellen Impakt ofginn."
Dem Yves Wengler wier et léiwer, wann de Staat Bauhär wier "vu datt et jo eng national an international Wichtegkeet huet".
Dem Iechternacher Buergermeeschter no wier d'Decouverte och näischt "reng Kommunales" an dofir missten, senger Meenung no, national an international Acteure prett sinn fir déi néideg finanziell Moyenen ze stellen, fir d'Decouverte a Valeur ze setzen.
An der Mediathéik:
LauschterenMéi zum Thema
Eng nei Schwämm fir Iechternach
Eng Schwämm bedeit fir eng Gemeng e grousse finanziellen Asaz. Meeschtens ass déi eenzeg Méiglechkeet eng Kooperatioun anzegoen. Zesumme mat der Südeifel soll zu Iechternach eng nei Schwämm entstoen.
