PAG Perquisitiounen zu Habscht
Wéinst presuméierten Irregularitéite beim neie PAG vun der Gemeng Habscht goufen et den 3. Mäerz Perquisitiounen. Dat huet d'Gemeng an engem Communiqué confirméiert. Et goufen Dokumenter an der Gemeng saiséiert. Dat huet de Justizspriecher eis confirméiert.
Donieft goufen Dokumenter beim Buergermeeschter doheem saiséiert, dat huet de Serge Hoffmann (CSV) eis confirméiert. Et géif sech ëm Dokumenter a Relatioun mam PAG handelen. Dëst wier d'Suite vun enger Plainte vun Enn 2019 vun enger Persoun, déi onzefridde mam Klassement vun hirem Terrain war, heescht et.
D'Enquête leeft den Ament géint Onbekannt a geet op eng Plainte vun Enn 2019 zréck. Wéinst dem Instruktiounsgeheimnis wëllt d'Justiz keng weider Detailer ginn.
De Gemengerot vun der Westgemeng Habscht huet den 18. Februar mat engem zweete Vott den neie Bebauungsplang (PAG) guttgeheescht. Den éischte Vott war am Juli 2019.
