Wirtschaft Patronat: "D'Finanzhëllefe vun der Regierung ginn net duer"

Der Regierung hir Finanzhëllefe fir d'Betriber ginn am Moment net duer, seet de President vun der Union des Entreprises. Den Nicolas Buck ënnersträicht, besonnesch d'Handwierk, de Commerce, d'Restauratioun an den Tourismussecteur bräichten elo nei Hëllefen.

Rick Mertens (Interview) / Chris Zeien (Web)

Nicolas Buck
Den Nicolas Buck ass President vun der Union des Entreprises.

Den UEL-President ënnersträicht bei Betriber, déi weider mussen zoubleiwen, misst de Staat all déi lafend Käschten iwwerhuelen, also och de Loyer. Dës Käschte misste mat staatlechen Direkthëllefe gedeckt ginn, déi no der Kris net mussen zeréckbezuelt ginn, esou de Nicolas Buck.

"Mir hunn dräi grouss Secteure vun eiser Ekonomie, déi elo nei Hëllefe brauchen. Dat ass éischtens en Deel vum Handwierk, zweetens de Commerce, an drëttens alles, wat ech Hotellen, Restauranten an am grousse ganzen Tourismus géif nennen. An do ass eiser Meenung no kloer, datt elo méi Direktsprëtze musse kommen."

Den Aarbechtsminister steet weider an der Kritik, wéinst senger Ausso Independanten hätte kee Chômage partiel ze gutt. D'Aussoe vum Dan Kersch wieren enttäuschend, sou den President vum Patronatsverband UEL de Moien hei op der Antenn. Den Nicolas Buck hätt sech awer och Widdersproch vun engem anere Minister erwaart:

"Deen dee näischt gesot huet, dat ass de Mëttelstandsminister, de Lex Delles. Et ass un him eng Kéier e Wuert ze soen. Net nëmmen ze soen, ech ginn Iech elo Suen, mee och ze soen: Dat wat do an der Form gesot ginn ass, ass net korrekt.'"

Hie wier och net vun der DP enttäuscht, "mee wann esou Aussoe gemaach ginn, da muss och ganz kloer eng Kéier ee vu bausse kommen - e bloen Minister, oder en anere Minister, dee fir déi Clientèle zoustänneg ass - deen opsteet a seet: "Nee, dat do geet net."

An der Mediathéik:

Invité vum Dag / / radio 100,7
Lauschteren

Méi zum Thema

Coiffeurssalon.jpg
Indepentanten an der Kris

Och no der Annonce d'lescht Woch vun éischten Entschäerfungsmoossname vum Confinement bleiwen eng ganz Partie Betriber weider zou. Wat bedeit dat fir si? A wéi si si bis elo duerch d'Kris komm?

François Bausch, Aline Muller, Vic Arendt
Riicht Eraus

Vu muer u gëtt nees op de Schantercher geschafft. D'Reprise um Bau ass en éischte Schrëtt um Wee an Etappen zeréck an d'Normalitéit. Mir hu mam François Bausch, Aline Muller a mam Vic Arendt geschwat.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen