Handwierk Pappecongé: e logistesche Problem fir Betriber
Eng Hausse vum Pappecongé op zéng Deeg wär éischter en organisatoresche Problem fir d'Betriber, wéi e finanziellen, mengt den Tom Oberweis. D'Handwierkerkammer hätt nach keng definitiv Positioun zum Thema.
Engem Gesetzprojet no soll de Congé fir Pappen no der Gebuert vun hirem Kand vun zwee op fënnef Deeg an d'Luucht gesat ginn. Den Aarbechtsminister Nicolas Schmit hat géigeniwwer dem 100,7 gesot, hie géing et gutt fannen, wann dee Spezialcongé op zéng Deeg gehéicht géif ginn.
D'Familljeministerin Corinne Cahen ass zu dësem Zäitpunkt net dofir. Dem Tom Oberweis no hätt d'Handwierkerkammer nach keng definitiv Positioun dozou.
Universitairen: kreatiivt Potenzial am Handwierk
Et wäre méi Jonker wéi an der Vergaangenheet um Handwierk interesséiert. D'Promotioun vum Secteur géing éischt Friichten droen. Vill Leit, déi d'Universitéit gemaach hunn, wären dem President vun Handwierkerkammer no, och drun interesséiert, fir sech ëmzeschoulen. Si géingen am Handwierk méi perséinlech Entwécklungsméiglechkeeten a Geleeënheete gesinn, fir kreativ ze schaffen.
"Et ass eis Roll fir déi Leit, déi vill Studie gemaach hunn a gutt sinn, och an d'Handwierk eranzekréien". Den Tom Oberweis proposéiert eng Fachhéichschoul fir Handwierk - nieft dem 'Brevet de maîtrise' an de Kompetenzzentere fir d'Handwierk. D'Chambre des métiers vertrëtt 6.900 Handwierksbetriber.
An der Mediathéik:
LauschterenMéi zum Thema
Pappecongé: "Mir hunn näischt mat der Regierung ausgemaach," sou LCGB
D'Gewerkschaft géif et "eng gutt Saach" fannen, wann de Pappecongé op zéng Deeg gehéicht gëtt. En "definitiven Accord" fir de Congé op fënnef Deeg ze héije géif et net ginn, sou de Patrick Dury.
Jonk Kapverdianer sollen hei eng Léier maachen
Jonk Kapverdianer sollen zu Lëtzebuerg forméiert ginn, fir sech an hirer Heemecht kënnen en eegent Liewen opzebauen. Dofir ginn d'Demarchë fir d'Openthaltsgenehmegungen an d'Visae staark vereinfacht.
