Weider Revelatioune vu Mediapart Orpéa: Doutéis Finanzpraktike mat Lien op Lëtzebuerg

De franséische Grupp Orpéa deen honnerte vun Altersheemer bedreift geréit ëmmer méi an e schlecht Liicht: E Mëttwoch huet Investigate Europe en Artikel verëffentlecht, deen op doutéis Finanzpraktiken hiweist. Am Zentrum steet dobäi eng Lëtzebuerger Holding.

Jacques Ganser / cz

Orpea
Foto: Wikimedia

Lauschteren


Zënter der Publikatioun vum Buch Les Fossoyeurs ugangs dës Joers steet de Grupp ënner dem Verdacht, mat illegale Methode Geld ze verdéngen. A Frankräich leeft dowéinst schonn eng Enquête. D'Revelatioune vu Mediapart vun e Mëttwoch betreffen déi Lëtzebuerger Holding Lipany, si gouf 2007 gegrënnt a konzentréiert eng 92 Millioune Parten, haaptsächlech vu CIPAen déi vun Orpéa geréiert ginn.

Patron ass de Roberto Tribuno, Chef vun der Orpéa Italien. Mee d'Holding huet Mediapart no nach ni Benefice gemaach oder Dividenden ausbezuelt. Orpea verweist op Nofro hin op eng lafend Enquête, vum Finanzchef Sébastien Mésnard hätt ee sech scho getrennt.

Orpéa huet jo och zu Lëtzebuerg eng Autorisatioun ugefrot fir en CIPA zu Märel, d'Prozedure wiere bal ofgeschloss, an e puer Woche géif et gréng Luucht ginn, erkläert op Nofro hin d'Familljeministesch Corinne Cahen. Hir wieren d'Hänn gebonnen.

"Ech hunn extrem Bauchwéi.. Als Minister muss ech mech awer un d'Gesetzer halen, ech kann net ufänken à la tête du client ze decidéieren, ob een en Agrément kritt oder net, mir hunn Texter.. Deen neien Text deen ënnerwee ass, ass méi streng, mee deen ass awer nach net do. Do si mer amgaangen d'Amendementer virzebereeden, mir hunn do e puer Oppositions formelles vum Staatsrot kritt. En attendant, wou deen Text net do ass, muss ech mech un deen Text halen, deen do ass. Ech muss awer och dobäi soen, datt Orpéa virun allem wéinst finanzielle Saachen am Gedrécks ass a mir um Familleministère hu bis elo guer näischt bezuelt a wäerten och näischt bezuelen."

Mat internen Auditten a Plaintë wëll de Grupp säi ramponéierten Image lo nees opbesseren. Ma an de franséische Medie gouf gëschter schonn eng nei Affär opgedeckt: Direktere vun der Akafszentral vun Orpéa Kaufrog hu pro Joer bis 400.000 Euro verdéngt. Vill Froe stinn hei nach op.

Méi zum Thema

Corinne Cahen
Fleegesecteur

De Staatsrot huet e puer Oppositioune beim Gesetzesprojet iwwer Déngschtleeschtunge fir eeler Leit formuléiert. D'Philosophie vum Gesetz wier doduerch awer net a Fro gestallt, seet d'Corinne Cahen.

Symbolbild Alters- a Fleegeheem
Fleegesecteur

Zu Lëtzebuerg ginn déi konventionéiert Alters- a Fleegeheemer eemol d'Joer kontrolléiert. Dës Kontrolle sollen deemnächst awer e gutt Stéck méi wäit goen: all fënnef Joer sollen et zousätzlech Kontrolle ginn.

Net verpassen

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen