NO DEN IWWERSCHWEMMUNGEN Oppositioun fuerdert Etüd iwwer d'Iwwerschwemmungen

Déi offiziell Warnung iwwer d'Iwwerschwemmunge wier scheinbar net mat Zäit bei der Bevëlkerung ukomm, esou déi véier Oppositiounsparteien, déi elo eng extern an onofhängeg Etüd iwwer d'Virfäll fuerderen.

Iwwerschwemmungen zu Miersch

Dat geet aus engem Bréif un de Chamberspresident Fernand Etgen ervir. Déi offiziell Warnung wier scheinbar net mat Zäit bei der Bevëlkerung ukomm, esou déi véier Oppositiounsparteien. D'Etüd soll dofir den Informatiounsflux ënner d'Lupp huelen, esou d'CSV-Fraktiounspresidentin Martine Hansen.

Reaktioun vun der Martine Hansen

Am Idealfall soll d'Etüd spéitesdens bis den Oktober fäerdeg sinn, esou nach d'Martine Hansen. An hiren Aen misst d'Etüd zügeg realiséiert ginn, fir ze verhënneren, datt Informatiounen net méi ze retracéiere wieren.

Wéinst dem staarke Reen gëschter waren d'Rettungsdéngschter 87 Mol am Asaz. An de meeschte Fäll wiere Keller iwwerschwemmt gewiescht, esou d'CGDIS an engem Communiqué.

D'Fro, wéi een d'Populatioun bei Naturkatastrophen a Krise séier informéiere kann ass dann och Sujet vun engem Aarbechtsgrupp, dee mat all den Acteuren an de Gemengen zesummeschafft. Zil wier et eng Léisung ze fannen, déi un d'Besoine vum Land ugepasst ass, präziséiert d'Inneministerin Taina Bofferding. Zu enger App wéi GouvAlert hätt net jidereen Accès, dofir géing een no eng anerer, zentraliséierter Léisung sichen.

Lauschteren

Méi zum Thema

Eng Wiederstatioun
No den Iwwerschwemmungen

Meteolux wëllt analyséieren, wéi eng Léieren aus dem leschten Héichwaasser gezu kënne ginn. Et gëtt gekuckt, wéi een esou Evenementer méi genee virauszesoen an d'Bevëlkerung besser warne kann.

Jeff da Costa
No den Iwwerschwemmungen

Et wier net fréi an net staark genuch virun der Héichwaassergefor gewarnt ginn, seet de Meteorolog a Klimatolog Jeff da Costa. D'Viraussoe wiere gutt genuch gewiescht, fir d'Populatioun besser ze warnen.

Iwwerschwemmung zu Iechternach
No den Iwwerschwemmungen

D'Héichwaasser vun der leschter Woch wier ee Joerhonnert-Evenement gewiescht, soen d'Carole Dieschbourg an d'Christine Bastian. D'Bevëlkerung wier awer gutt informéiert ginn an d'Dispositiounen hätte gegraff.

Iwwerschwemmungen am Gronn
Iwwerschwemmungen

Zanter dem Ufank vun de Miessunge vum Reen ass hei am Land nach ni sou vill Néierschlag erofgaangen, heescht et vun der ASTA. Experten warnen, datt d'Unzuel vun den extrem Wiederphenomener zouhëlt.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen