CSJ "Oppen, sozial a responsabel"
Den Alex Donnersbach iwwerhëlt d'Successioun vun der Elisabeth Margue als President vun der CSJ. Hie gouf um CSJ-Kongress vun de jonke Chrëscht-Sozialen op de Poste gewielt. Et gouf och eng Resolutioun ugeholl iwwer d'Bedeitung vun de chrëschtlech-soziale Wäerter. Zu deene Wäerter zielt den Alex Donnersbach Solidaritéit, Eegeverantwortung a sozial Gerechtegkeet.
Déi Wäerter géife virun allem bei de Jonken net ëmmer esou eriwwer kommen, dofir misst een déi Wäerter an Zukunft besser vermëttelen.
De Grondsazprogramm vun der CSJ vun 1992 wäert iwwerschafft ginn. De Motto "oppen, sozial a responsabel", dee virun e puer Joer agefouert gouf, wier nach ëmmer richteg a géif bäibehale ginn. Souwuel d'CSV wéi d'CSJ misste sech kritesch mat sech selwer auserneesetzen. Prioritéit wier fir déi nächste Joren déi Analys ze maachen. "Mir hu festgestallt, datt mir bei jonke Wieler nach net esou iwwerzeegt hunn, wéi mir dat gäre wéilte maachen".
De richtege Mix tëschent Jonk an Al
Wichteg Sujete si fir d'CSJ Ëmweltschutz a Familljepolitik, esou wéi Logement an Digitalisatioun. D'CSV hätt déi Jonk net esou ugeschwat wéi erhofft. Dat géif deels vläicht un den Iddie leien, déi vläicht net kloer kommunizéiert goufen. "Mir mussen och de richtege Mix fannen tëschent Jonk an Al, och beim Spëtzepersonal, fir datt déi Jonk sech mat der CSV identifizéiere kënnen".
Den Alex Donnersbach ass frou iwwer déi nei Fraktiounspresidentin Martine Hansen an déi zukünfteg Zesummenaarbecht. Als neien CSV-Parteipresident bräicht een een dee rassembléiert an eng Equipe uféiere kann, esou nach den Alex Donnersbach. Dat wier keng einfach Aufgab.
De 26-järegen Alex Donnersbach gouf bei de Chamberwahlen Zwielefte fir d'CSV am Bezierk Zentrum an huet d'Successioun vun der Elisabeth Margue un der Spëtzt vun der CSJ iwwerholl.
Méi zum Thema
Analys
Ugespaante Situatioun bei der LSAP, Erneierung bei der CSV
D'Regierung steet, d'CSV ass am Gaange sech ze erneieren an d'Chamber ass nees komplett. Wéi si verschidden Entwécklungen ze analyséieren? Erklärunge vum 100,7-Chefredakter Jean-Claude Franck.
CSV-President: F. Engel interesséiert, S. Wilmes leet sech nach net fest
Wann de Frank Engel am Januar op dëse Poste géif gewielt ginn, da wëllt hien am Mee 2019 net bei den Europa-Wahle kandidéieren. De Serge Wilmes wollt sech iwwerdeems nach net festleeën, ob hie fir de Poste vum CSV-Parteipresident wëllt kandidéieren.
De Marc Spautz hält als CSV-President op
Hie wéilt de Posten net nach fir zwee weider Jore blockéieren, mee eng nei Equipe soll direkt kënnen ufänke fir fënnef Joer Zäit ze hu fir bis bei déi nächst Chamberwahlen Akzenter ze setzen, erkläert de Marc Spautz am 100,7-Interview.
LSAP-Gremie fir Regierungsbedeelegung
D'LSAP soll an d'Regierung goen. Dat gouf den Dënschdeg am Centre Barblé zu Stroossen decidéiert. Kritesch Téin koume wéi erwaart vun de Vertrieder vun de Jongsozialisten.
"LSAP-Parteispëtzt muss Konsequenzen zéien"
Den LSAP-Parteipresident an den LSAP-Generalsekretär missten aus dem Wahlechec vun de Sozialiste Konsequenzen zéien. Dat fuerdert de Sammy Wagner, den LSAP-Schäffe vu Stengefort.
