Until It Gets Better Online-Festival
De Georges Goerens, Solo als Bartleby Delicate bekannt, a Sänger bei der Band Seed to Tree huet fir kommende Mëttwoch ee binationalen Online- Festival aus dem Confinement organiséiert.
"Mir wollten ee Message senden, datt mir trotz der zouener Grenz zu Däitschland am Kapp ouni Grenze bleiwen."
Dëse Mëttwoch gëtt et dofir op "dringeblieben.de" een Online-Festival ënner dem Titel "Until It Gets Better" mat Lëtzebuerger an Däitsche Museker, déi vun hiren Doheemer aus de Public op béide Säite vun der Grenz adresséieren.
"De Corona-Virus zwéngt eis, kreativ ze ginn. Mat Seed to Tree ware mir oft streng, oder lidderech, wat d'Schaffe mat méi indirekte Mëttelen ugeet. Wann een et net direkt konnt upaken a spillen, hu mer et oft emol guer net opgeholl. Elo hu mir guer keng aner Wiel, wéi eisen Aarbechtsprozess ze beräicheren, an déi Songs, déi mer am Gaange sinn ze maachen, kléngen dofir anescht wéi soss."
Seed to Tree sinn dann och Headliner vum Festival, vu Lëtzebuerg si soss nach di jonk C'est Karma a Francis of Delirium agelueden. D'LIN, ex-Member vu Bender und Schillinger, spillt Solo vun däitscher Säit mat, genee wéi de Frère vun Dormund, an hir befrënnte Band Walking on Rivers, mat deene si schonns oft an Däitschland gespillt hunn.
All Iwwerschoss vum Festival, bei deem den 100,7 offizielle Partner ass, geet un d'Verbesserung vun de Liewenskonditiounen an de griichesche Flüchtlingslageren un der EU-Aussegrenz. Lass geet et Dëse Mëttwoch ëm 18h30, live op 100,7 an op www.dringeblieben.de.
Méi zum Thema
Daniel Balthasar: The Man In The Box
"The Long Lost Art Of Getting Lost" heescht den neien Album vum Daniel Balthasar. Dat Besonnescht dorun? Déi zéng Songs goufe vum Sänger an enger grousser Kartongskëscht opgeholl a produzéiert.
M. Ward - Migration Stories
Eisen Album vun der Woch kënnt vum M. Ward, engem Singer-Songwriter a Gittarist aus dem Oregon, deen op senger neier Plack "Migration Stories" Country, Ambient a Pop aneneelafen deet.
