Wiederchaos Nom Tornado: CGDIS zitt generell positive Bilan

De Gros vum CGDIS-Dispositif nom Tornado wäert haut, Dënschdeg, ofgeriicht ginn, seet de Koordinator Colonel Raymond Guidat. Hien zitt generell ee gudde Bilan vun den Aarbechten.

Françoise Keller / cz

Käerjeng 5

D'Koordinatioun vum nationale Rettungscorps wier nom Tornado e Freideg bis elo generell gutt verlaf. Dat seet de Koordinator vum CGDIS, de Colonel Raymond Guidat. Et misst een awer eng Analys vun den Aarbechte maachen, soubal d'Interventiounen ofgeschloss sinn. Déi Analys kéint e puer Méint daueren. Eng 500 Leit hunn der Inneministesch no Schied nom Tornado gemellt. 24 Plaze missten nach kontrolléiert ginn, esou de Colonel Raymond Guidat.


De Colonel Raymond Guidat

"Dat gëtt haut gemaach. Ech denken haut dierfte mir - net komplett - d'Aarbechten ofschléissen, well sécher an den nächsten Deeg ëmmer nach Uriff era wäerte komme wéinst Saachen, déi observéiert goufen oder bis ewell net opgefall sinn - mee de Gros vum Dispositif wäert ofgebaut ginn. Wa sech nach vereenzelt Froe stellen, sinn d'Rettungszentrale vu Käerjeng a Péiteng do fir sech drëm ze këmmeren."

Méi zum Thema

Schued Tornado
Nom Tornado am Süde vu Lëtzebuerg

De Maurice Molitor ass de Méindeg am fréien Owend op Péiteng an en Hotel gefuer, an deem Leit en Ënnerdaach fonnt hunn, deenen den Daach iwwer dem Kapp fortgeflunn ass.

Philippe Ernzer
Wiederphenomer

Tornadoe wieren et der schonn ëmmer hei am Land ginn. Dat seet de Philippe Ernzer, Grënner vu Meteo Boulaide. Den Hobbymeteorolog geet dovun aus, datt den Tornado vun e Freideg ee vun deene stäerkste war.

Pressebriefing no Tornado
No schwéiere Stierm an Tornadoen

Nom Tornado vun e Freideg gouf an engem extraordinäre Regierungsrot de Samschdeg den Owend de Bilan vun de Schied gemaach. Et goufen och eng Partie Hëllefe fir Privatleit a fir Entreprisen decidéiert.

Marc Hengen
No de schwéiere Stierm am Süde vu Lëtzebuerg

D'Assurancen hunn hire Cliente verséchert, si nom Tornado ze ënnerstëtzen. Zanter dem Freideg den Owend wieren déi meescht Agencë fir hir Clienten op, seet de Marc Hengen, Direkter vum Daachverband vun den Assurancen.

Net verpassen

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen