Eichenprozessionsspinner "Net selwer ewech maachen!"

Eichenprozessionsspinner si Päiperleksraupe vun enger onscheinbarer Matt - déi am Mee schlüpfen. Si installéiere sech just op Eechebeem a kënne beim Kontakt mam Mënsch en Hautausschlag ausléisen. Et ass net recommandéiert, se selwer ewech ze maachen, seet de Laurent Schley.

Sophie Morang / cbi

Eichenprozessionsspinner
En Nascht vun engem Eichenprozessionsspinner. Foto: Bigstock / Hobi

"Aus Eichenprozessionsspinner ginn Nuetspäiperleken", seet de Laurent Schley, Biolog an Directeur adjoint vun der Naturverwaltung. "Am Mee schlüpfe se: dann entwéckelen se Brennhoer mat klenge Widderhaken: déi fléie ronderëm. Wann eis Haut domat a Beréierung kënnt, gëtt dëst Hautausschlag", esou de Laurent Schley.

Et fënnt ee se just op Eechebeem

"Déi Raupe maache kee Schued op den Eechebeem", seet de Laurent Schley. Hie warnt viru Panik: "net all Päiperleksraup ass en Eichenprozessionsspinner!" Déi meescht sinn harmlos. De Laurent Schley appelléiert keng Raupe futti ze maachen. De Biolog verweist ënner anerem drop, datt déi sougenannte "Gespinstmotte", déi gären Hecken aspënnt, absolut harmlos ass.

Bekämpfung

"Am beschte léist ee se vun enger Spezialfirma ewech maachen", esou de Laurent Schley. Déi hunn déi richteg Ausrëschtung, fir datt keen zu Schued kënnt an d'Näschter och wierklech fort sinn. Datt den Eichenprozessionsspinner an de leschte puer Joer méi heefeg optrëtt, hätt iwwregens zum Deel mam Klimawandel an de méi héijen Temperaturen ze dinn, esou de Sousdirekter vun der Naturverwaltung Laurent Schley.


De ganzen Interview mam Laurent Schley:

Lauschteren

Méi zum Thema

Eichenprozessionsspinner
Schiedlech Insekten

Dëst Joer ginn et relativ vill Beem, déi vum Eichenprozessionsspinner befall sinn. Dat seet d'Marianne Jacobs vun der Naturverwaltung. Dës Päiperleksaart ka beim Mënsch allergesch Reaktiounen ausléisen.

Lëtzebuerger Bësch
Lëtzebuerger Bëscher

Zënter den 80er Jore verschlechtert sech den Zoustand vun de Lëtzebuerger Bëscher. Haut si vill Beem krank. Een Ëmdenken ass néideg. Och wat d'Biodiversitéit ugeet.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen