Medien Neien Organigramm beim Lëtzebuerger Wort
Ee Mount nodeems de Jean-Lou Siweck als Chefredakter vum Lëtzebuerger Wort ofgesat gouf, ginn et 100,7-Informatiounen no weider personell Ännerungen an de Redaktioune vun der gréisster Dageszeitung.
De Pierre Leyers ersetzt d'Linda Cortey als Chef vun der Wirtschaftsredaktioun. D'Linda Cortey gëtt responsabel fir de franséischsproochege Wort Online.
D'Kulturredaktioun gëtt an Zukunft vun der Vesna Andonovic a vum Marc Thill geleet. Déi aktuell Kultur-Cheffin Marie-Laure Rolland gëtt responsabel fir d'Bäilag "Die Warte".
De Verwaltungsrot vum Grupp Saint-Paul huet virun engem Mount decidéiert, d'Wort nees politesch "Mëtt-Riets" ze positionéieren. Donieft wënscht de Conseil sech gutt informéierte Sourcen no e manner kritesche Wirtschaftsjournalismus. De Conseil huet nom Depart vum Jean-Lou Siweck de Roland Arens zum neie Chefredakter gemaach.
Méi zum Thema
Meenung
Trennung vu Kierch an CSV
Vill ass an der Lescht iwwert d'Trennung vu Kierch an Staat diskutéiert ginn. Fir kritesch Chrëschte war déi Trennung längst iwwerfälleg. Mä wéi ass et mat der Trennung vu Kierch an CSV?
Kommentar
Schlecht fir de Journalismus zu Lëtzebuerg
De Verwaltungsrot vu Saint-Paul Lëtzebuerg huet d'Wort-Chefredaktioun ausgewiesselt. An d'Kredibilitéit vun der gréisster Dageszeitung zerstéiert, mengt de Jean-Claude Franck.
Wort-Redaktioun wëllt Stellung huelen
No der Annonce, datt de Chefredakter vum Lëtzebuerger Wort d'Dageszeitung verléisst, sicht de Verwaltungsrot no enger interner Léisung. D'Redaktioun wëllt muer Stellung zur aktueller Situatioun huelen.
Bistum orientéiert d'Wort nees méi no riets
De Jean-Lou Siweck hält Enn September als Chefredakter vum Lëtzebuerger Wort op. Hien ass net averstane mat der neier Linn vum President Luc Frieden an dem Bistum, Proprietär vum Groupe Saint-Paul.
