Coronavirus Liveticker: 2.319 Infektiounen, 29 Stierffäll
- D'Schoule bleiwe bis de 4. Mee zou, dat huet den Educatiounsministère per Communiqué matgedeelt.
- Den neie Lëtzebuerger Bilan: 29 Doudesaffer, 2.319 confirméiert Infektiounen. (Stand: Mëttwoch 17h45)
- Et si bis elo 18.690 Tester gemaach ginn. Zu Lëtzebuerg gëtt mëttlerweil méi breet getest.
-
2.354 Better sinn der Regierung no disponibel an 230 Better a Reserv. Fir d'Soins intensifs wieren 119 Better disponibel an 80 Better a Reserv.
Méi zum Thema
Post-Mataarbechter mam Coronavirus infizéiert
Déi concernéiert Persoun géif net hei am Land wunnen a si géif bei der Post an engem administrative Service schaffen, deen net a Kontakt mat Clientë wier. Dat seet d'Post-Direktioun op Nofro hinn.
"Et ass net flott fir eis, et ass net flott fir d'Clienten"
Vill Fluggesellschafte kënne wéinst dem Coronavirus manner fléien. Bei de Luxair-Linneflich wieren d'Buchungen "drastesch agebrach", esou de Joé Schroeder. Och bei LuxairTours géifen et manner Buchunge ginn.
Den Ëmsaz geet erof
Wéinst dem neiaartege Coronavirus rechent d'Horesca mat iwwer 40 Prozent manner Ëmsaz fir de Secteur vun Hoteller, Restauranten a Caféen hei am Land. D'Annulatioune géife bei bis zu 60 Prozent leien.
Impakt op d'Lëtzebuerger Wirtschaft ass "substantiell"
Duerch den neie Coronavirus wäert de Wirtschaftswuesstum hei am Land dëst Joer däitlech zeréckgoen, seet de Luc Frieden. Hie rechent mat engem Réckgang vun op d'mannst engem Prozent vum PIB.
De Präis fir Pëtrol geet erof
Um Pëtrolsmarché sinn d'Präisser haut ganz staark gefall: rieds geet vun engem Pëtrolspräis-Crash. Beim Pëtrol aus dem Nordmier a beim US-Pëtrol sinn d'Präisser ëm all Kéier ronn 30 Prozent zeréckgaangen.
Testcapacitéite gi virun ausgebaut
Den LNS zu Diddeleng huet zanter Enn Januar schonn 122 Tester op den neie Coronavirus duerchgeféiert, seet den LNS-Direkter. Den Testprozess géif elo virun automatiséiert an d'Testcapacitéite géife weider erhéicht ginn.
