De Schnelltest, wou d'Resultat bannent enger hallwer Stonn garantéiert ass, kascht 79 Euro. Fir ganz presséiert Passagéier kritt ee fir 169 Euro den Express-PCR Test mat engem Resultat bannent 12 Stonnen a mam normale PCR-Test, deen 119 Euro kascht, kritt een d'Resultat bannent engem Dag, erkläert den Direkter vun der Fluchhafeverwaltung Lux-Airport, de René Steinhaus.
Lux-Airport assuréiert Logistik an d'Laboen d'Tester
D'Fluchhafeverwaltung schafft mat de Laboratoiren zesummen, déi zu Lëtzebuerg geneemegt sinn an déi eng grouss Erfarung beim Covid19-Test hunn. De René Steinhaus präziséiert:
"Mir maache jo zanter Mee d'lescht Joer schonn um Flughafe PCR-Tester an déi ginn all vu medezineschem Personal duerchgefouert. Dat heescht mir als Flughafe maachen d'Logistik an d'Laboratoirë féieren d'Tester duerch. Nëmmen déi gi vun de Länner och unerkannt, wann een esou een Test bei der Arees muss virweisen."
Keng eenheetlech Standarden an der EU
D'Loftfaart grad ewéi d'Fluggesellschafte wiere frou wann et an Europa een eenheetleche System géif ginn deen déi selwecht Standarde géif festhalen, betount de René Steinhaus.
"A jiddwer Land ginn et ënnerschiddlech Virschrëften, déi sech och nach zu all Ament kënnen änneren, sou datt d'Reesender sech onbedéngt sollen am Virfeld vum Flug op den offizielle Säite vun den Zillänner a Fluggesellschaften informéieren."
