Invités am Moies-Magazin Christian Mosar an Nancy Braun
De Projet Esch 2022, europäesch Kulturhaaptstad huet schonn Héichten an Déiften duerchlieft. Viru Kuerzem hunn déi Responsabel de Projet nach emol a Rumänie virun der europäescher Jury verteidegt an och zu Lëtzebuerg huet sech scho sou munches gedoen. Nodeems d'Gebléishal ecartéiert gouf, gëtt elo déi al Möllerei mat enger ganzer Partie Niewegebaier, de Quartier général vun Esch 2022.
Invitéeën am Moiesmagasin beim Jean Claude Majerus sinn déi zwou Persounen, déi Esch 2022 an der nächster Zäit op Orbit solle bréngen. D'Generaldirektesch vun Esch 2022 Nancy Braun an den artisteschen Direkter Christian Mosar.
An der Mediathéik:
LauschterenMéi zum Thema
Esch 2022 - Wéi geet et weider?
Déi nei Equipe, déi d'Rudder vun Esch 2022 iwwerholl huet, ass nach net komplett, d'Sich no enger Finanz- an Administratiounsdirektioun schéngt net einfach ze sinn. D'Generaldirectrice iwwer den aktuelle Stand.
"Esch 2022 kann nach ëmmer een Erfolleg ginn"
Hie schätzt d'Aarbecht vun de Coordinateure fir de Projet Esch 2022. Dat seet de Claude Frisoni, de fréiere Coordinateur vu Lëtzebuerg Europäesch Kulturhaaptstad 1995. D'Politiker sollte sech net an de Projet amëschen.
Coordinateure kréie Réckendeckung
Den Escher Buergermeeschter huet d'Janina Strötgen an den Andreas Wagner an engem Interview schaarf kritiséiert. De Roberto Traversini an den Dan Biancalana stelle sech awer hannert d'Coordinateuren.
DynaMinett?
D'Gemeng Käerjeng hätt eng positiv Approche géintiwwer der Participatioun un Esch 2022. Et misst elo en transparente Mapping fir all Gemeng a vun alle Projeten erstallt ginn, seet den Andreas Wagner.
Esch 2022 - e schwierege Start
Esch2022 wier gepräägt vu finanziellen Onkloerheeten a schlechter Kommunikatioun, soe verschidde Buergermeeschteren. Si fuerderen eng méi kloer Kompetenzopdeelung a méi Vertrauen tëscht all de Parteien.
Esch 2022: Wéi geet et weider?
Et gëtt spannend Enn dës Joers, wann d'Decisioun geholl gëtt, ob Esch am Joer 2022 de Label als "Europäesch Kulturhaaptstad" kritt oder net.
