Medien zu Lëtzebuerg "Mir wëllen e faire Marché"
Saint-Paul wier, am Géigesaz zu anere Gruppen, net op d'Pressehëllef ugewisen, wéilt awer net drop verzichten. Fir Saint-Paul wier et wichteg, datt de Marché fair ass. Dofir missten och d'Concessiounsverträg mam radio 100,7 an RTL an zukünfteg Iwwerleeunge mat afléissen. De Staat bräicht eng global Vue, misst kloer soe wat e wëllt an d'Pressehëllef misst laangfristeg ofgeséchert sinn.
Saint-Paul Luxembourg wier net ofhängeg vun der Pressehëllef, ënnersträicht de François Pauly. Op dës Hëllef verzichte wéilt een awer net. Saint-Paul wéilt keen neie Support lancéieren, just an der Optik fir vum Staat ënnerstëtzt ze ginn.
De Grupp hätt 2018 bal zwou Milliounen Euro Benefice gemaach. 2017 waren et 1,2 Milliounen Euro. Dat géif Saint-Paul vun anere Gruppen ënnerscheeden. Saint-Paul hätt an de leschte Jore wéinst sengen Internet-Optrëtter méi Pressehëllef kritt, sou de François Pauly. Fir Saint-Paul wier et generell wichteg, datt de Marché fair ass.
"An ech mengen do soll een och Äert Haus hei mat era bezéien an och de Konzessiounsvertrag vun RTL, well ech mengen d'Press ass jo net nëmmen déi geschriwwen, et ass net nëmmen déi um Internet, et ass och déi geschwaten an et ass och déi a Biller. Ech mengen do brauch een eng global Vue wat de Staat wëll, wat d'Politiker wëllen a wéi een dat da laangfristeg finanziell kann ofsécheren."
Verwaltungsrot mécht sech net an d'Redaktioun an
Vu sengem Virgänger un der Spëtzt vu Saint-Paul, dem fréieren CSV-Minister Luc Frieden, staamt de Saz, datt Journaliste schreiwen däerfe wat se wëllen, awer nëmmen am Kader vun deem, wat vum Conseil festgeluecht ass.
Fir de François Pauly ass dat eng enk Definitioun. An der Ligne éditoriale stéing, datt de Verwaltungsrot net am Operativen intervenéiert, esou den Nofolger vum Luc Frieden un der Spëtzt vum Medien-Haus.
"An ech gesi mech weder capabel nach mat där Missioun fir lo eise Journalisten virzeschreiwe wat se solle schreiwen. Mee et ass kloer, mir hunn eng Ligne éditoriale, déi och um Internet siichtbar ass a mat där sech och - géif ech soen - eis Organer villäicht vun anere kënnen ënnerscheeden."
Saint-Paul bedéngt déi verschidde Sproochecommunautéiten
Saint-Paul hätt aus den Echecke vun der Gratis-Zeitung "Point 24" , der franséischsproocheger Zeitung "La Voix du Luxembourg" an dem Radio-Sender DNR déi néideg Léiere gezunn.
Dës Projeten hätte sech wirtschaftlech net méi gedroen an dofir wieren anerer entwéckelt ginn. Als Beispiller nennt de François Pauly Contacto a Radio Latina, déi fir déi portugisesch Nolauschterer e wichtege Support wieren. Fir den engleschsproochegen Deel vum Marché ze bedéngen, wier LuxTimes lancéiert ginn. Op den Internetoptrëtter géif ee generell och probéieren, fir de Leit a franséischer Sprooch d'Méiglechkeet ze ginn, fir d'Aktualitéit ze suivéieren.
An der Mediathéik:
LauschterenMéi zum Thema
Nach keng Kloerheet iwwer CSV-Kandidaten
De Luc Frieden huet nach keng Decisioun geholl, ob hien d'nächst Joer op der CSV-Europalëscht wäert kandidéieren. De Georges Bach sengersäits huet eis confirméiert, datt hien net méi kandidéiere wëllt.
Exklusiv
55.000 Euro pro Journalist
Maximal 1,6 Milliounen Euro u Pressehëllef kann ee Medium an Zukunft vum Staat accordéiert kréien, wa bestëmmte Konditiounen erfëllt sinn. D'Editeure fuerderen ee méi präzisen Text.
Exklusiv
Pressehëllef un Zuel vu Journaliste gekoppelt
An Zukunft soll d'Zuel vun de Journalisten de Kritär fir d'Héicht vun der Pressehëllef sinn. Dat gesäit den Avant-Projet de loi vir, deen dem radio 100,7 virläit. Et soll awer kee manner kréien.
"Relaunch an engem oder zwee Joer"
De Kik Schneider mengt net, datt d'Reform vun der Pressehëllef nach virun de Chamberwahle Realitéit gëtt. De Lëtzebuerger Journal kéint momentan just wéinst der Pressehëllef iwwerliewen.
Kommentar
Opportunitéit mat Erausfuerderungen
Den 1. Mee kritt de Mediegrupp Editpress mam Jean-Lou Siweck en neien Direkter. Neie Wand ass néideg, mee d'Erausfuerderunge si grouss, mengt de Jean-Claude Franck an der Mediechronik.
Jean-Lou Siweck an Zukunft och Chefredakter?
De Jean-Lou Siweck kéint och den neie Chefredakter vum Tageblatt ginn. Dat seet de Nico Clement, President vum Verwaltungsrot vun Editpress. D'Tageblatt soll nees méi fir de Lieser schreiwen.
"Journaliste liewen nach ëmmer bal am Mëttelalter"
D'Lëtzebuerger Journaliste fuerderen zënter Joren en Informatiounszougangsrecht fir Journalisten. D'Regierung ass där Demande net nokomm. De Presserot huet dofir eng eege Gesetzpropositioun ausgeschafft.
Riicht Eraus
D'Sich nom richtege Geschäftsmodell
D'Wort huet versicht méi onofhängeg ze beriichten an doduerch Lieser ze gewannen. Mä d'politesch a wirtschaftlech Contraintë fir d'Dagespress si grouss, sou d'Konklusioun vun der Diskussiounsronn.
Wort-Redaktioun wëllt Stellung huelen
No der Annonce, datt de Chefredakter vum Lëtzebuerger Wort d'Dageszeitung verléisst, sicht de Verwaltungsrot no enger interner Léisung. D'Redaktioun wëllt muer Stellung zur aktueller Situatioun huelen.
Bistum orientéiert d'Wort nees méi no riets
De Jean-Lou Siweck hält Enn September als Chefredakter vum Lëtzebuerger Wort op. Hien ass net averstane mat der neier Linn vum President Luc Frieden an dem Bistum, Proprietär vum Groupe Saint-Paul.
Missioun vum radio 100,7: "Qualitéit an Onofhängegkeet"
De Laurent Loschetter, neie President vum Verwaltungsrot vum radio 100,7, reagéiert op Kritiken an de Medien. Eng perséinlech Interventioun an d'Dagesgeschäft vum Radio schléisst hien net aus.
Zukunft vun der Pressehëllef
38 Milliounen Euro d'Joer investéiert d'Regierung vun 2021 un an d'Press. Och lokal Medie ginn an Zukunft méi ënnerstëtzt. Kritik gouf et awer ënnert anerem um Zäitpunkt vun der Debatt iwwert Medien.
Onkloerheeten am Konzept fir Online-Pressehëllef
Online-Medie kënne vun 2017 un eng staatlech Ënnerstëtzung vun all Kéier 100.000 Euro am Joer kréien. D'Bedéngunge wieren allerdéngs duerchwuess, kritiséiere Vertrieder vun der geschriwwener Press.
Wéi eng Zukunft fir d'Tageblatt?
Op manner Säite méi Qualitéit liwweren. Sou erkläert d'Danièle Fonck dat neit Format vum Tageblatt. D'Generaldirektesch vun Editpress seet, de Grupp géif besser do stoe wéi aner Medienhaiser.
Kommentar
"Luc Frieden soll Retour an d'Politik si loossen"
De fréieren CSV-Minister huet eegenen Aussoen no nach net decidéiert, ob hien nees méi eng aktiv Roll an der Politik iwwerhuele wëll. Besser net, mengt de Jean-Claude Franck an engem Kommentar.
