Corona-Kris: D'Aarbecht vun der Justiz "Mir si voll funktiounsfäeg"

Wéi leeft d'Aarbecht op de Gerichter aktuell? Den drëtte Pouvoir am Staat hat scho fréi ugefaange sech ze preparéieren, verréit de Procureur général d'état adjoint, de Jeannot Nies. Et wéilt een och elo den Déngscht um Justiciable esou gutt maachen, wéi et méiglech ass.

Sophie Morang / cbi

Jeannot Nies
Jeannot Nies, Procureur général d'état adjoint (Fotot: Justice)

De ganzen Interview mam Jeannot Nies lauschteren


"Bäibehale sinn aktuell all d'Affären, déi mat de Leit hire Fräiheeten ze dinn hunn", seet de Jeannot Nies, de Procureur général d'état adjoint. Am Konkrete bedeit dat, datt d'Detenus-Sëtzungen normal weiderginn. Affäre mat 30 bis 40 Leit am Sall sinn awer och do ausgesat.

D'Chambre du Conseil dann, déi Plaz, wou en Detenu preventif ka froe fir fréizäiteg aus dem Prisong ze kommen, leeft och weider. An dat selwecht gëllt fir Affären am Familljerecht.

Fir "normal zivil's a commercial's Affäre mussen awer nei Delaie gesicht ginn", seet de Jeannot Nies. "An dat gëtt e grousse Bierg, dee mir virun eis schubsen."

Vill Home office och bei der Justiz

Mee "et gëtt awer och lafend weider geschriwwen, virun allem a Prozeduren, déi net musse plädéiert ginn", esou de Jeannot Nies. Vill Riichter schaffe vun doheem aus.

Op den zwee Parqueten ass ofwiesselend eng limitéiert Zuel vu Leit present. Et sinn Ekippen opgestallt ginn, déi sech net gesinn, fir d'Kontakter maximal ze reduzéieren.

E Minimum vu Leit muss aktuell trotzdeem op d'Gericht: d'Sëtzunge goufen a grouss Säll verluecht, fir den Ofstand ze respektéieren. Deelweis gëtt och Sécherheetsmaterial wéi Masken an Händschen zur Verfügung gestallt.

D'Justiz géif aktuell fonctionéiere wéi se misst, erkläert de Jeannot Nies, et wéilt ee weider am Déngscht vum Justiciable stoen.

Preparatioune fir d'Zukunft

Et géif een iwweregens schonn dru schaffe fir, wann et néideg ass, och nom 19. Abrëll nom selwechte Scheema nach weiderzefueren.

Méi zum Thema

Staatsministère Illustratioun Waringo-Rapport
Corona-Pandemie

15 Persoune sinn hei am Land wéinst dem Coronavirus gestuerwen, d'Zuel vun den Hospitalisatiounen ass op 148 geklommen. D'Regierung huet fir déi éischte Kéier gesot, wéi vill Better alles an allem disponibel wieren.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen