Coronavirus "Mir mussen Zäit hunn"

Eng Course "contre la montre". Sou beschreift de President vun der Spidolsfederatioun d'Coronapandemie. Fir datt de Gesondheetssystem net iwwerlaascht gëtt, wier et wichteg Zäit ze gewannen, seet de Paul Junck.

Maxi Pesch / cbi

Paul Junck
Foto: Archiv

De Bäitrag vum Maxi Pesch lauschteren


Genee wéi d'Regierung betount de Paul Junck nach eemol, datt et wichteg wier elo Zäit ze gewannen fir d'Verbreedung vum Virus anzedämmen. "Den Ament si mer gutt opgestallt, et ass den Ament kee Problem". Fir zousätzlech Capacitéite fräi ze kréien a fir Personal ze switchen, misst een awer Zäit hunn. "An déi erreeche mer, wa mir d'Mesurë vun der Regierung anhalen", seet de Paul Junk.

Ekipement a Personal fräi kréien

Mat hire ronn 150 ekipéierte Lit de soins intensifs wieren d'Lëtzebuerger Spideeler gutt opgestallt. Dem President vun der Spidolsfederatioun no wieren dës Better den Ament allerdéngs zum Deel fir normal Behandlunge besat.

Et wier een amgaang Pläng ëmzestellen an déi programméiert Chirurgie no hannen ze verleeën. Doduerch kéint een zousätzlech Ekipementer a Personal fräi kréien.

Enkpäss beim Personal

An noer Zukunft kéint et och zu Enkpäss beim Personal kommen. Sief et duerch Infektioune beim Personal selwer oder duerch de Congé pour raisons familiale an deem Secteur. En Iwwerbléck, wéi vill Mataarbechter wéinst dësem Congé ausfalen, konnt de President vun der Spidolfederatioun sech nach net maachen. Mee och hei géif un enger Léisung geschafft ginn.

Et géif ee probéieren, d'Kapazitéiten an de Crèchë fräi ze maache fir d'Personal. "Datt eis Personal ka weider schaffen, an datt hir Kanner a Crèchë kënne goen, déi extra fir d'Personal soignant opbleiwen."

Wat d'Reserve sanitaire ugeet, hätt d'Regierung den Ament nach keng Decisioun geholl. Dem Paul Junck no hätte sech allerdéngs schonn eng Rei pensionéiert Dokteren a Fleeger gemellt fir fräiwëlleg ze hëllefen.

Méi zum Thema

Claude Meisch
Invité vum Dag

D'Regierung hätt den Appell vun Experten héieren. Esou dem Claude Meisch seng Äntwert op eng Ausso vum Generaldirekter vun den Hôpitaux Robert Schuman. Dësen hat gëschter drop higewisen, datt et kéint enk ginn, wa vill vu senge Mataarbechter Congé pour raisons familiales huelen.

François Koepp
Fermeture vun Horesca-Betriber

Méiglecherweis géif een Deel vun de Restaurante weider Plate preparéieren, fir ze liwweren. Den Horesca Generalsekretär versteet, datt d'Regierung alles misst maachen, fir d'Ausbreedung vum Virus ze bremsen.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen