Medezinesche Cannabis Medezinesche Cannabis: Verschidden Ursaache fir Rupture de Stock
Eng ze niddereg Estimatioun ass ee vun de Grënn wisou et zu enger kuerzzäiteger Rupture vum Stock vu medezineschem Cannabis hei am Land komm ass. Dat seet de Gesondheetsministère op Nofro hin.
D'Aschätzung esouwuel wat d'Zuel vun de Patienten ubelaangt, wéi och d'Duerchschnëtts-Dosis vu Cannabisbléie pro Patient wieren depasséiert ginn, erkläert de Gesondheetsministère. No enger Analys hätt de Ministère festgestallt, datt et engersäits grouss Ënnerscheeder tëscht de Prescriptioune pro Dokter géif ginn, an anerersäits, eng grouss Diversitéit vu Krankheeten, déi eng Verschreiwung motivéieren. Ee weidere Grond wier, datt Cannabis als Rauschmëttel zielt, wat géif mat sech bréngen datt de Ministère Importatiouns-Quotae misst respektéieren.
Déi bestallte Quantitéite kéinten deemno net vun engem Dag op deen aneren an d'Luucht gesat ginn. D'Gesondheetsdirektioun hätt eng Recommandatioun un d'Dokteren eraus ginn, fir bis op weideres kengen neie Patiente Cannabis fir medezinesch Zwecker ze verschreiwen. Fir Patienten déi den Ament net mat medezineschem Cannabis behandelt ginn, géifen awer och alternativ Behandlungsméiglechkeete bestoen, sou de Gesondheetsministère. Wéini de Stock normaliséiert wier, kéint ee momentan net virausgesinn. Zënter Februar wieren 21 Kilogramm Cannabis-Bléien verschriwwe ginn a ronn 270 Patiente hätten eng éischt Behandlung mat medezineschem Cannabis kritt.
De Panorama-Bäitrag:
Méi zum Thema
Konzept fir Cannabis-Legaliséierung bis den Hierscht
D'Gesetz fir d'Cannabis-Legaliséierung soll nach an dëser Legislaturperiod a Kraaft trieden. Dat hunn de Gesondheetsminister Etienne Schneider an de Justizminister Felix Braz de Freideg ugekënnegt.
Rush op Formatioun iwwer medezinesche Cannabis
Den Interessi vun den Dokteren fir déi éischt Formatioun iwwer de medezinesche Cannabis war grouss. Déi 150 Plazen, déi d'Direktioun vun der Santé virgesinn hat, ware séier besat.
"Legaliséierung vum Cannabis ass e positiivt Signal"
"D'Cannabiskonsumente sinn aktuell an enger illegaler Situatioun. Et ass positiv, datt de Konsum soll legaliséiert ginn". Dat seet de Carlos Paulos, Direkter vu 4Motion a Responsabele fir de Projet Pipapo.
Exklusiv
Cannabis-Legaliséierung: Dräi Parteie si sech eens
D'Legaliséierung vu Cannabis dierft an de Koalitiounsaccord stoe kommen. Dat ass 100,7-Informatiounen no e Bestanddeel vum Rapport vum Aarbechtsgrupp "Santé". Den Text mat Propose gouf an de leschten Deeg ofgeschloss.
Cannabis an de Wahlprogrammer
Wéi soll Cannabis an Zukunft reglementéiert ginn? An der Chamber war eng entspriechend Kommissiounssëtzung, déi sech domat befaasst huet. Wat sinn d'Positioune vun de verschiddene Parteien?
AFPL: "Psychos no engem eenzege Cannabiskonsum"
6000 Persounen zu Lëtzebuerg hunn eng Psychos. Fir Betraffener wiere berufflech Perspektive wichteg. Generell misst méi iwwer d'Thema opgekläert ginn. Et géif och eng Relatioun tëscht Cannabiskonsum an der Entwécklung vun enger Psychos.
CBD-Cannabis zu Lëtzebuerg
Cannabidiol, ofgekierzt CBD, ass eng Moleküll déi een an der Cannabisplanz fënnt. D'Moleküll ass zu Lëtzebuerg legal. Ëmmer méi Geschäfter verkafen dësen CBD-Cannabis. Wat ass CBD, a wat ass den Ënnerscheed zu THC?
Cannabis fir medezinesch an therapeutesch Zwecker erlaabt
An Zukunft ass de Konsum vu Cannabis, dee fir medezinesch an therapeutesch Zwecker genotzt gëtt, zu Lëtzebuerg erlaabt. D'Chamber huet eestëmmeg d'Gesetz ugeholl, mat deem de legale Kader festgeluecht gëtt.
Legaliséierung vu Cannabis
Eng Petitioun fuerdert d'Legaliséierung vu Cannabis. A Rekordzäit huet si déi néideg Ënnerschrëfte gesammelt. Mee ass d'Legaliséierung vu Cannabis realistesch? Wat bedeit dat am Kloertext?
Exklusiv
Gesetzesprojet: "Paradox a restriktiv"
De Collège Médical ass net begeeschtert vum Gesetzesprojet fir d'Legaliséierung vum medezinesche Cannabis zu Lëtzebuerg. De President vum Collège Médical schwätzt vun "immense Restriktiounen".
