De Marc Hansen wollt sech de Moien hei op der Antenn awer nach net festleeën, wéi déi Strofe genee sollen ausgesinn. Et wäert dono awer warscheinlech op administrativ an op Geldstrofen erauslafen, sou den Deputéierten.
"Et gëtt engersäits déi finanziell Sanktiounen, an da bleiwe jo och nach déi Mesuren en Place, déi elo schonn do sinn. An déi Leit, déi net geimpft oder genese sinn, déi si jo och doduerch impaktéiert."
D'Strofe sollen dem gréngen Deputéierten no och applizéiert ginn "soss brauche mer keng Sanktioune festzehalen".
D'nächst Woch ass an der Chamber dann eng Debatt geplangt, an der d'Parteie Stellung zur Impfflicht sollen huelen.
