Krankheet Manner Nei-Infektioune mam HI-Virus
Zu Lëtzebuerg goufen et zejoert bedeitend manner Nei-Infektioun mat HIV. Dat geet aus dem Rapport d'activité vum Comité fir d'Iwwerwaachung vun AIDS ervir.
43 Nei-Infektioune goufen am Joer 2018 registréiert. D'Nei-Infektioune bei homo- a bisexuelle Persoune soll dem Rapport no an d'Luucht gaange sinn.
Vun den insgesamt 21 neien Infektioune bei den Homo- a Bisexuelle sinn iwwer d'Hallschent vun de Persounen tëschent 26 a 35 Joer al. Fir eng besser Präventioun an Erkennung ginn et HIV-Selbsttester an den Apdikten ze kafen.
Et gëtt geschat, datt zu Lëtzebuerg ronn 1.200 Persoune liewen, déi sech mam HI-Virus infizéiert hunn. D'Sandy Kubaj, Chargée de direction fir AIDS-Berodung beim Route Kräiz, geet dovunner aus, datt 15 Prozent vun den Infizéierten net wëssen, datt si den HI-Virus hunn.
Lauschtert de Reportage vum Maurice Antony:
An der Mediathéik:
LauschterenMéi zum Thema
Hoffnung fir HIV-Risikogruppen
De Gesondheetsministère préift, ob d'Medikament "Truvada" och zu Lëtzebuerg fir d'Präventioun vun HIV-Infektioune soll agesat ginn. Duerno kéint et da fir deen Zweck vun der CNS rembourséiert ginn.
Präventiivt HIV-Medikament nach net rembourséiert
Präventiv Medikamenter kënnen de Risiko vun enger HIV-Infektioun däitlech reduzéieren. An enger Rei Länner gëtt d'Mëttel Truvada fir deen Zweck schonn agesat a rembourséiert. Net zu Lëtzebuerg.
