AMMD Manktem un Doktere gëtt a 5 bis 10 Joer akut

Den Dr. Alain Schmit, President vun der AMMD, fäert, datt et an Zukunft un Doktere feele kéint. Et wier een ëmmer méi op auslännesch Dokteren ugewisen, et wéilt een awer just déi Bescht op Lëtzebuerg huelen.

Rick Mertens (Interview) / Claude Biver (Web)

Alain Schmit
Den Dr. Alain Schmit ass President vun der AMMD

A fënnef bis zéng Joer kéint et en akute Manktem un Dokteren hei am Land ginn, seet de President vun der Doktesch-Associatioun AMMD. Ee Grond dofir wieren déi schlecht Aarbechtskonditiounen an de Spideeler.

"Wësst der: Wann der wëllt ufänke mat schaffen, da wëllt der schaffen. A wann der da gesot kritt, Dir hutt keng Méiglechkeeten ausser sonndes, oder spéit owes, oder nuets - dat ass fir e Chirurg sécher net immens attraktiv. An dofir brauche mer déi Soupape, wou een onkomplizéiert nei Weeër ka goen. Wou nei Aart a Weise fir Behandlungen ze maache ganz liicht kënnen organiséiert ginn. An dat geet leider an deene schwéiere Strukture vun de Spideeler haut net."

Nëmmen déi bescht Dokteren ulackelen

D'Doktere wieren an de Spideeler mat erdréckenden Dokumentatiounen a Prozedure geplot. Donieft géifen och d'Déngschtstonnen, déi an de Spideeler musse geleescht ginn, den Doktere vill ofverlaangen.

Et wier een ëmmer méi op auslännesch Dokteren ugewisen, déi ganz genee kucke géifen, wat hinnen ugebuede gëtt. "An haut ass et net méi méiglech fir nach gutt auslännesch Dokteren erun ze kréien."

D'Zil wier et net fir "iergendwellech Dokteren" an d'Land ze kréien, mee et hätt ee gären déi Bescht. "An déi Bescht, déi kommen nëmmen, wa mir als Land e Gesondheetssystem hikréien, dee besser ass, wéi dat, wat an eisen Nopeschlänner am Moment gemaach gëtt.", esou den Alain Schmit.

Fir Dokteren op Lëtzebuerg ze lackelen, proposéiert d'AMMD fir parallel Strukturen zu den aktuelle Spideeler ze kreéieren, wou eng méi ambulant Medezin offréiert géif ginn: "D'Strukturen, déi méi flexibel sinn, wéi dat wat mer haut an de Spideeler kennen. Wou d'Patienten e besseren Accès dozou kréien, a wou Dokteren hire Beruff nees kënnen ausféieren, sou wéi dat de medezinesche Fortschrëtt gebitt."

An der Mediathéik:

Invité:e vum Dag / / Rick Mertens
Lauschteren

Méi zum Thema

Gilbert Massard
Uni Lëtzebuerg

D'Uni Lëtzebuerg hofft an e puer Joer e Master an der Medezin ubidden ze kënnen, seet den Direkter vun der Medezinausbildung Gilbert Massard. Am September d'nächst Joer géif e Bachelor an der Medezin ulafen.

Dokter
Medezin

E Manktem un Dokteren ass net auszeschléissen, mat enger Rei Decisioune soll en awer verhënnert ginn. Ënner anerem soll déi universitär Medezinsformatioun op der Uni Lëtzebuerg ausgebaut ginn.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen