Just néng Milliounen Euro wieren op Ännerungen um Projet zeréckzeféieren, déi ënner dem aktuelle Verdeedegungsminister François Bausch virgeholl goufen. 2018 war de Projet Luxeosys mat engem Budget vun 170 Milliounen Euro an der Chamber gestëmmt ginn. Déi 139 Milliounen Euro géifen zousätzlech do dobäi kommen.
Dat geet aus der Presentatioun ervir, déi de Verdeedegungsminister François Bausch de Mëtten an enger gemeinsamer Reunioun vun der Budgetskontrollkommissioun an der Defensekommissioun gewisen huet. Wann een de Projet elo net géif fäerdeg maachen, géif dat de Staat awer ronn 145 Millioune kaschten, déi missten un d'Entreprisë bezuelt ginn, déi bis elo um Projet geschafft hunn.
