Radio ARA Liquidation simplifiée fir City Radio Productions?

An de Kulisse vu Radio ARA kënnege sech eisen Informatiounen no Changementer un, vun deenen een op der Antenn awer näischt mierke soll, op jiddwer Fall net direkt. Dat soen déi Bedeelegt op Nofro hin. Et geet ëm ARA City Radio, déi engleschsproocheg Fënster, déi vu mueres sechs bis mëttes zwou op de Frequenze vum Radio 102,9 an 105,2 leeft.

Maurice Molitor / cbi

Exklusiv Radio Studio
Symbolbild. Foto: Bigstock / E2photos

De Bäitrag vum Maurice Molitor lauschteren


D'Emissiounen an deem Creneau si bis elo produzéiert gi vun enger Gesellschaft mam Numm "City Radio Productions". Eng S.A., déi sech selwer iwwer Publicitéit finanzéiert huet, an déi d'Sendezäit wiertes tëschent sechs an zwou beim Radio ARA gelount - an och dofir bezuelt - huet.

Eng Liquidation simplifiée

Et ass där S.A. awer ëmmer méi schwéier gefall nach Annonceuren ze fannen, sou datt sech iergendwann ofgezeechent huet, datt se finanziell kéint an d'Laberente geroden. Fir enger Faillite zevirzekommen ass op der leschter Assemblée générale Enn Januar d'Decisioun geholl gi fir d'Prozedur vun de Liquidation simplifiée anzelauden.

Dofir ginn all d'Aktien vun der S.A. verkaaft un "Alter Echos"; dat ass d'Sàrl, déi de Radio ARA exploitéiert. Si iwwerhëlt domat den Actif an de Passif vu "City Radio Productions", och deen eenzege Mataarbechter, deen am Moment nach do schafft. An da wäert d'S.A. opgeléist ginn.

Nach mussen eng Rei Aktionären hir Ënnerschrëft dofir ginn - well et zu där fräiwëlleger Liquidatioun awer keng wierklech Alternativ gëtt, misst ee kënnen dovun ausgoen, datt si dat all maachen, sot eis den Administrateur Jacques-Yves Henckes.

Et kéint enk ginn

Mat där Transaktioun iwwerhëlt "Alter Echos" keng Schold, kritt awer eng Pai ze bezuelen, an "Alter Echos" entgeet och d'Recettë vun der Locatioun vu Sendezäit. De Radio Ara hofft staark dorop, datt him am Kader vun der Medien- a Pressehëllefdebatt déi usteet, eng finanziell Ënnerstëtzung vum Staat zougesot gëtt. Soss kéint et enk ginn.

Fir déi nächst Méint ze iwwerbrécke kéint an noer Zukunft en Appell fir Crowd funding lancéiert ginn.

Méi zum Thema

RER-Pressehëllef-Mike Koedinger, Josée hansen, Jean-Lou Siweck
Geschriwwe Press zu Lëtzebuerg

Pressevertrieder begréissen d'Pläng fir déi nei staatlech Pressehëllef. Haaptsächlech Onlineredaktiounen, Maison Moderne a L'essentiel wäerten an enger éischter Phas dovu profitéieren.

Ines Kurschat
Pressehëllef

Der Regierung hiren Entworf fir d'Reform vun der Pressehëllef wier eng "intelligent" Léisung, seet d'Ines Kurschat, Presidentin vum Presserot. D'Editeure sollen ë. a. e Formatiounsplang op den Dësch leeën.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen