Ekonomie Arcelor Mittal wëllt Wierk u Liberty House verkafen

ArcelorMittal wëllt säi Wierk zu Diddeleng u Liberty House verkafen, deelt de Stolkonzern de Moien (2.11.) mat. OGBL an LCGB zweiwelen drun, datt de britesche Finanzgrupp déi néideg Investitioune wäert maachen, fir dem Site laangfristeg eng Zukunft ze ginn. Béid Gewerkschafte fuerderen d'EU-Kommissioun dowéinst op, der Transaktioun net zouzestëmmen.

Pia Oppel / cz

Flaachstol Fabrick
Foto: Picture Alliance / imageBROKER

ArcelorMittal muss aus konkurrenzrechtleche Grënn Produktiounssitte verkafen, fir amplaz dierfen den italienesche Stolkonzern ILVA ze iwwerhuelen. De Choix ass op sechs Sitten an der Belsch, Italien, Tschechien, Rumänien, Mazedonien a Lëtzebuerg gefall.

De Wirtschaftsminister Etienne Schneider gesäit elo Gespréichsbedarf: Hie géif Liberty House net gutt kennen. Bannen den nächsten Deeg géif hie Vertrieder vum Grupp treffen, fir iwwer déi geplangten Iwwernam ze schwätzen. D'Konditiounen, déi d'Lëtzebuerger Regierung gestallt huet, wieren awer all erfëllt. De Site misst erhale bleiwen, d'Leit missten hir Aarbecht behalen an de Kollektivvertrag weider gëllen.

De Mëtteg ass am Wierk zu Diddeleng eng Entrevue tëschent der Direktioun an de Personalvertrieder fir iwwer dee geplangte Verkaf u Liberty House ze schwätzen.

Zu Diddeleng produzéieren eng 300 Salariéë galvaniséierte Flaachstol fir den Automobilsecteur.

Interview Etienne Schneider

 

Serie Handwierk
Liveticker

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

  • Vu 6 bis 10

  • On air

    Vun 10 bis 2

  • Vun 10 bis 2

  • Resonanzen

  • Vun 3 bis 6

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen