Verfassungsreform Lëtzebuerg kritt keng komplett nei Verfassung

Lëtzebuerg wäert definitiv keng komplett nei Verfassung kréien. Dat aktuellt Grondgesetz soll a Phase reforméiert ginn. Dat gouf den Dënschdeg no der zoustänneger Chamberkommissioun ugekënnegt. E grousse Verfassungs-Referendum wäert et net ginn.

Serge Kesseler / cz

Verfassung vu Lëtzebuerg
Foto: Wikimedia Commons

De President vun der zoustänneger Chamberkommissioun an LSAP-Fraktiounschef huet proposéiert, fir de Projet "opzestéckelen" a fir an Etappe virzegoen. Een Ziel géif et bleiwe fir virum Enn vun der Legislatur-Period 2023 d'Verfassung ze moderniséieren, esou den Alex Bodry. Déi grouss Iddien aus dem Text fir déi geplangten nei Verfassung solle gerett ginn.

An de leschte Woche goufen et véier informell Reuniounen tëschent den dräi Majoritéits-Parteien an der CSV, fir de Blockage a Saache Verfassung ze léisen. De Léon Gloden, Member vun der Kommissioun fir d'Verfassungsreform seet, hie wier zefridden. Et géif ee mat der Verfassung viru kommen. Et missten eng Rei Dispositiounen an der Verfassung geännert ginn, fir datt dës an engem moderne Staat Bestand kéint hunn, sou den CSV-Deputéierten, ouni méi konkret ze ginn.

Oppositiounsparteien: "Deal" a "Kouhandel"

Den ADR-Deputéierte Gast Gibéryen huet sech den Dënschdeg komplett iwwerrascht gewisen. Hie schwätzt vun engem "Kouhandel" tëschent deene véier grousse Parteien.

Ënner dem Stréch géif d'Populatioun elo net méi ëm hirem Avis gefrot ginn a verschidde Froen iwwer de Walsystem, iwwer d'Bezierker, iwwer de Cumul vun de Mandater dierften iwwerhaapt net méi am Kader vun der Verfassungsreform behandelt ginn, mee just nach separat.

De Marc Baum kritistéiert de Wee, deen déi véier grouss Parteien ageschloen hu ganz schaarf. Hie schwätzt vun enger fundamentaler Mëssuechtung vum Parlament. CSV, LSAP, déi gréng an d'DP hätten "iergendeen Deal ënner sech ausgemaach". Fir hien ass d'Approche vun deene véier Parteien net nozevollzéien, nodeems "Joerzéngte laang un engem Text geschafft ginn ass".

Bis déi nächst Sitzung vun der Chamberkommissioun de 6. Dezember, soll eng Lëscht mat ronn 30 wichtege Punkten ausgeschafft ginn, déi no an no déi aktuell Verfassung sollen ofänneren.

Méi zum Thema

Myriam Welschbillig
Lëtzebuerger Sprooch

De Conseil fir d'Lëtzebuerger Sprooch fuerdert, datt d'Sproochesituatioun an der neier Verfassung thematiséiert gëtt. Lëtzebuergesch, Franséisch an Däitsch sollen am Grondgesetz verankert ginn.

Frank Engel
Déi (nei) CSV-Positioun am Dossier Verfassung

D'CSV wier "après réflexion" der Meenung, datt e verflichtende Referendum iwwer déi nei Verfassung net déi beschten Optioun wier, seet de Frank Engel. Dat wier keen Ultimatum an d'CSV géif hir Positioun och net méi iwwerdenken.

Alex Bodry
Reform vun der Verfassung

De President vun der Chamberkommissioun fir d'Verfassungsrevisioun, den Alex Bodry, kritiséiert a bedauert, datt et een totale Broch mat der Aarbechtsweis am Konsens aus de leschte méi wéi 15 Joer géif ginn.

constitution 1868.jpg
Nei Verfassung

De Rapport zur neier Verfassung gouf ugeholl. Et wëll een et awer der nächster Chamber iwwerloossen, iwwer de ganzen Text ofzestëmmen. E Referendum soll eréischt no den Europawahlen 2019 stattfannen.

Bodry-Meyers
Verfassungsreform

Déi nei Verfassung wäert fréistens Mëtt 2020 a Kraaft trieden, mengt den LSAP-Deputéierten Alex Bodry. Den Nach-CSV-Verfassungspiecher Paul-Henri Meyers ass perséinlech géint de Referendum.

Paul-Henri Meyers
Verfassungsrevisioun

De Paul-Henri Meyers geet dovun aus, datt ee sech nach virun der grousser Vakanz iwwer de Verfassungstext wäert eens ginn. Deen Text soll dann an der neier Legislatur gestëmmt ginn.

Alex Bodry
Verfassungsreform

Ass Ufank 2018 den zweete Referendum fir d'Verfassungsreform? Dat ass realistesch, seet den Alex Bodry. Awer just wann de Staatsrot säin zweeten Avis spéitstens am Hierscht dëst Joer fäerdeg huet.

Audience in the conference hall.
Verfassungsreferendum

Ëmmer méi Deputéiert sinn der Meenung datt Hierscht 2017 net optimal ass. Haapt Argument ass, datt de Gemengewahlkampf an d'Campagne fir de Verfassungsreferendum da géife matenee vermëscht ginn.

Net verpassen

Programm

  • Ligne 2

  • On air

    Notturno

  • Virum Dag vu 6 bis 10

  • Panorama

  • Virum Dag vu 6 bis 10

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen