Weltraumindustrie Lëtzebuerg: Investisseur am Weltall
Lëtzebuerg ass e Pionéier, wat Weltraum-Investissementer ugeet. Dat seet de renomméierte Journalist Peter de Selding. Lëtzebuerg wier bereet, Risiken anzegoen. Duerch variéiert a kleng Investissementer géif een dee Risiko allerdéngs kleng halen. Doduerch géif d'Land an Europa un éischter Plaz stoen.
Obschonns Lëtzebuerg duerch seng Investissementer am Beräich Space Resources géif Risiken agoen, géif een duerch variéiert a kleng Investissementer dee Risiko kleng halen, seet de Peter de Selding, renomméierte Journalist am Gebitt Weltall.
Ech menge schonn, datt Lëtzebuerg e Pionéier ass. Souguer wann alles, woura si investéieren net klappt, ass et nach ëmmer eng gutt Iddi. Nach eng Kéier, wann ee sech Lëtzebuerg als Risikoinvestisseur virstellt: Si investéieren a verschidde Projeten, an erwaarde sech och, datt verschiddener näischt ginn. Mä déi, déi Succès hunn, kéinte ganz vill Succès hunn. Déi aner wäerten net einfach verschwannen. Si wäerten an aner Projeten investéieren, also ass dat net ëmmer eng schlecht Saach.
Lëtzebuerg géif duerch seng Risikobereetschaft un éischter Stell an Europa stoen. Mä aner Länner wieren net wäit hannendrun. Si hätte verstanen, datt "Space Resources" e Garant fir wirtschaftleche Wuesstem wieren. D'Cooperatioun mat Global Spire, déi de Wirtschaftsminister Etienne Schneider gëschter presentéiert huet, wier heifir e gutt Beispill. Et géing ee weisen, datt een et seriö géing mengen, an datt et net just eng Spillsaach wier.
Op enger Konferenz um Kierchbierg presentéiere kleng Start-uppen den Ament hir Weltraum-Projeten. De Wirtschaftsminister sot iwwerdeems, datt nach weider Accorde mat aneren Entreprisë géife verhandelt ginn.
De Bäitrag vum Claude Biver vum 16. November
Méi zum Thema
"Déi ganz Welt kuckt op eis"
Déi international Promotioun vu spaceresources.lu ass e Succès. D'Ekonomie vun de Weltall-Ressourcë muss sech nach entwéckelen.
Bilan vun der Wirtschaftsmissioun
Den Interessi vun amerikaneschen Entreprisen um "Spaceremining"-Projet ass grouss. Lëtzebuerg huet sech als éischt europäescht Land positionéiert, dat de Secteur zu enger Wirtschaftsnich wëll entwéckelen.
Standuertpolitik am Weltraum
Op Wirtschaftsmissioun op der US-Westküst wëll de Wirtschaftsminister Lëtzebuerg an der Weltallwirtschaft positionéieren. An dat trotz juristeschen Onsécherheeten.
Mat u Bord bei Planetary Resources
D'Halschent vun de 25 Milliounen Euro, déi de Staat investéiert, si fir Fuerschung an Entwécklung bei der Lëtzebuerger Filial vu Planetary Resources. De Rescht gëtt an d'Mammenhaus investéiert.
De Glaawen un eng Zukunft am Weltall
D'Ofbaue vu Mineralien am Weltall kléngt wéi Science-Fiction, ass awer keng. Lëtzebuerg wëll an deem Beräich Pionéieraarbecht leeschten. An et gëtt och éischt Unzeechen, datt dee Plang kéint opgoen.
