Sozialkonflikt LCGB geheit Saint-Paul Direktioun Mëssmanagement vir

Wéinst dem ugekënnegten neie Sozialplang beim Medie-Grupp Saint-Paul hat den LCGB de Moien e Protestpiquet virum Siège zu Gaasperech organiséiert.

Serge Kesseler / cz

LCGB Protest-Piquet Luxemburger Wort.

De Bäitrag vum Serge Kesseler lauschteren


D'Gewerkschaftssekretärin Céline Conter huet an hirer Ried d'Fro gestallt, ob 250 Leit Personal nach géifen duer goe fir e Lëtzebuerger Wort kënnen eraus ze bréngen. Et géif also och ëm d'Iwwerliewe vum Wort goen.

"Mir stinn haut hei beim Lëtzebuerger Wort, well et ëm e Skandal sans pareil geet", huet d'Céline Conter um Protest-Piquet betount. Schaarf Kritik gouf et un d'Adress vun der Direktioun, déi ënner anerem Mëssmanagement an Iwwerhieflechkeet virgehäit kritt.

Déi sanitär Pandemie géif benotzt ginn, fir sech "virum eegene Missmanagement ze verstoppen", sou d'Gewerkschaftlerin an hirer Ried. "D'Direktioun wëllt kee Sozialdialog, well si wëllt net op onbequem Froe mussen äntweren."

D'Direktioun vum Grupp hat Mëtt September ugekënnegt, datt 80 vun den 330 Mataarbechter hir Plaz solle verléieren. D'Verhandlunge fir e Sozialplang sinn aus Siicht vun der Direktioun gescheitert.

Véierte Sozialplang bannent zéng Joer

De Grupp Saint-Paul gehéiert zënter Enn Abrëll dëst Joer dësem belschen Aktionär.

An un den aktuelle Proprietär Mediahuis ass et den Appell déi lëtzebuergesch Gesetzgebung an de Sozialmodell ze respektéieren.

D'Céline Conter huet och drun erënnert, datt et de Moment schonn ëm de 4. Sozialplang bannent 10 Joer beim Grupp Saint-Paul geet.

Méi zum Thema

Luxemburger Wort
Sozialkonflikt bei Saint Paul Luxembourg

D'Verhandlunge fir den ugekënnegte Sozialplang beim Grupp Saint-Paul Luxembourg ginn de Mëtteg an déi drëtte Ronn. Den LCGB fuerdert, datt d'Beschäftegungsgarantie - wéi se am Kollektivvertrag virgesinn ass - respektéiert gëtt.

Luxemburger Wort Exklusiv
Lëtzebuerger Mediesecteur

Am Medienhaus Saint-Paul a Regie.lu gëtt et eisen Informatiounen no e Sozialplang fir 80 Aarbechtsplazen. All d'Aktivitéite wiere betraff, heescht et an enger interner Kommunikatioun, déi eis virläit.

Net verpassen

Programm

Dossieren

  • Gemengewalen 2023

    Den 11. Juni gëtt an de verschiddene Gemenge vum Land en neie Gemengerot gewielt. Wéi eng Sujete dominéieren d'Wal a wéi verleeft de Walkampf an de vereenzelte Gemengen?

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen