Sozialkonflikt bei Saint Paul Luxembourg LCGB fuerdert Beschäftegungsgarantie

D'Verhandlunge fir den ugekënnegte Sozialplang beim Grupp Saint-Paul Luxembourg ginn de Mëtteg an déi drëtte Ronn. Nach wier iwwer eng Woch Zäit fir ze verhandelen, esou d'LCGB-Gewerkschaftssekretärin Céline Conter.

Serge Kesseler / cz

Luxemburger Wort

D'Direktioun vum Mediegrupp hat d'Personal de virleschten Donneschdeg informéiert, datt 80 vun den 330 Mataarbechter hir Plaz solle verléieren. Vun de Pläng vun der Direktioun wieren eigentlech all Servicer betraff, esou d'Céline Conter. An de Redaktiounen an de Services annexes alleng wiere 40 Leit Personal concernéiert.

Mam geplangte Plazenofbau ass den LCGB net averstanen a verlaangt, datt d'Beschäftegungsgarantie - wéi se am aktuelle Kollektivvertrag virgesinn ass - respektéiert gëtt.


Lauschtert den Interview mat der Céline Conter


Dowéinst wëllt den LCGB dem Äerzbistum e Bréif schécken, mat der Fuerderung no enger substantieller finanzieller Bedeelegung, esou d'Céline Conter vum LCGB.

D'Behaaptung vun der Direktioun vum Grupp Saint-Paul, datt de geplangte weidere Sozialplang näischt mat der Iwwernam duerch den neie belschen Aktionär Mediahuis ze dinn hätt, wier "offenkundeg falsch", stellt d'Gewerkschaft fest. Well verschidde Servicer sollen ausgelagert ginn, kéinten d'Pläng net exklusiv op d'Corona-Pandemie zréckzeféieren sinn, betount d'Céline Conter.

Méi zum Thema

Luxemburger Wort Exklusiv
Lëtzebuerger Mediesecteur

Am Medienhaus Saint-Paul a Regie.lu gëtt et eisen Informatiounen no e Sozialplang fir 80 Aarbechtsplazen. All d'Aktivitéite wiere betraff, heescht et an enger interner Kommunikatioun, déi eis virläit.

Luxemburger Wort
Lëtzebuerger Presselandschaft

Beim Grupp Saint-Paul gëtt et ee Sozialkonflikt. Well am Juli eng garantéiert Primm net ausbezuelt gouf, ass d'Gewerkschaft LCGB elo mat der Direktioun op der Schlichtung.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen