Test-Strategie Large-scale testing dréit Friichten

An Tëschenzäit ginn am Kader vum Large-scale testing pro Dag 12.000 Tester op de Coronavirus duerchgefouert. D'Teststatioune wieren de Weekend bal zu 100 Prozent ausgelaascht, esou den Ulf Nehrbass vum Luxembourg Institute of Health. Et géifen ëmmer méi Leit d'Invitatioun fir e gratis Test unhuelen.

Jean-Claude Franck / cz

Pressekonferenz Research Luxembourg Covid-19 Task Force

Den Luxembourg Institute of Health féiert dat ënner anerem op eng besser Kommunikatioun zeréck. "Dein Test, unser Sommer", esou den neie Message. Fir déi zweet Well ze reduzéiere sinn de Fuerscher no méi wéi 20.000 Tester pro Woch néideg.

Interessi fir Large Scale-scale testing däitlech geklommen

Bis de 6. Juli goufen am Kader vum Large-scale testing Scale Testing 268 Leit positiv getest. Dat si Leit, déi zum Deel guer keng Symptomer hunn, a sech net krank spieren, an doduerch fréi kënnen a Quarantän gesat ginn. Eleng gëscht goufe wéinst dem Large-scale testing 16 positiv Fäll entdeckt. D'Participatioun ass an Tëschenzäit op iwwer 50 Prozent geklommen, esou de Luxembourg Institute of Health. Mee et wier wichteg, datt souvill Leit wéi méiglech matmaachen. Bis Enn Juli soll all Bierger eng Invitatioun kritt hu fir sech am Kader vum Large-scale testing op de Virus testen ze loossen.

Wou stiechen d'Leit sech un?

Et géife vill Leit sech am Stot ustiechen, esou de Paul Wilmes vun der Fuerschungs-Task Force. Dofir wier et wichteg an der zweeter Testphase (vun August un) gezilt d'Stéit ze monitoren.

Gëtt et eng zweet Well?

Déi aktuell Zuele sinn "alarméierend" a kënnen op eng zweet Phase hindeiten, esou de Fuerscher Alexander Skupin vun der Fuerschungs-Task Force. Hie widderhëllt, wéi och schonn de Méindeg am 100komma7-Interview, datt een an enger kritescher Phase wier. Déi nächst Deeg géife weisen ob d'Infektiounszuelen exponentiell klammen.

Ofwaasser-Prouwe beleeën nach ëmmer: Virus zirkuléiert

D'Corona-Wäerter am Ofwaasser, déi d'Fuerscher kënne feststellen, beleeën, datt de Virus sou present ass den Ament wéi Enn Abrëll, esou den Henry-Michel Cauchie vum LIST. Zu Schëffleng an der Kläranlag (90.000 Leit) wieren d'Wäerter Enn Juni nees eropgaangen, och zu Beggen (140.000 Leit).

Méi zum Thema

Paulette Lenert, Xavier Bettel
Corona-Kris

D'Regierung hätt sech fest virgeholl alles ze ënnerhuelen, fir en zweete Lockdown ze verhënneren, esou de Xavier Bettel. De Staatsminister huet den Appell widderholl, sech un d'Reegelen ze halen.

Dokteren
Corona-Pandemie

D'Dokteren, déi d'Patiente wärend der éischter Well behandelt hunn, sinn nach ëmmer net bezuelt ginn. Bis Mëtt nächster Woch soll kloer sinn, wéi een am Fall vun enger zweeter Well virgeet.

Net verpassen

Programm

  • Iwwer Mëtteg vun 11 bis 2

  • On air

    Noriichten

  • Resonanzen

  • Am Nomëtteg vun 3 bis 6

  • Panorama

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen