Ressourcëschounende Wirtschaftsmodell Kreeslafwirtschaft: Nohaltegkeetsrot wëllt méi Detailer
D'Regierung misst kloerstellen, wéi d'Entwécklung vun enger Kreeslafwirtschaft hei am Land soll geléngen, seet de Romain Poulles.
De President vum Nohaltegkeetsrot begréisst, datt viru Kuerzem Prinzippie fir e ressourcëschounende Wirtschaftssystem festgehale goufen. Fir de Romain Poulles ass et nach net kloer, wou d'Moyene fir d'Ëmsetzung vun dësem ressourcëschounende Wirtschaftsmodell sollen hierkommen.
D'Regierung misst dofir an den nächste Wochen a Méint Äntwerte liwweren. De President vum Nohaltegkeetsrot fuerdert, datt d'Regierung fir Kloerheet suergt, wéi déi Strategie ëmgesat soll ginn.
Den Nohaltegkeetsrot wéilt sech an d'Diskussioun abréngen, wéi d'Ëmstellung vun der Wirtschaft kéint geléngen. "Mir hunn och do eng Rei Iddien, a wäerten der Regierung och eisen Input zu dem Theema ginn", esou de Romain Poulles.
An der Mediathéik:
LauschterenMéi zum Thema
Erausfuerderunge vun der Kreeslafwirtschaft
D'Welt géif sech net änneren, och wa Lëtzebuerg ganz op Kreeslafwirtschaft géif setzen. Mee Lëtzebuerg kéint ee weltwäite Laboratoire ginn, seet d'Ekonomistin Hoai Thu Nguyen Doan.
Kreeslafwirtschaft an Holland
Bei der Staatsvisitt vum hollännesche Kinnek ass och eng Wirtschaftsdelegatioun dobäi, déi sech op d'Kreeslafwirtschaft spezialiséiert huet. Holland wëll nämlech seng ganz Ekonomie dorop ëmstellen.
