De CHL-Gereraldirekter iwwer Coronavirus "Keng Saach vun Angscht, mee vu vernünftegem Virgoen"

Ob de Romain Nati Angscht huet sech ze infizéieren, freet den 100,7-Journalist Maurice Molitor de Generaldirekter vum Spidol CHL (op der Areler Strooss). D'Äntwert vum Romain Nati: Dat ass keng Saach vun Angscht, mee vu vernünftegem Virgoen. Dofir war eisen Invité vum Dag vu bausse live zougeschalt, an hien huet sech net an de Studio deplacéiert.

Maurice Molitor / Jean-Claude Franck / cz

Dr Romain Nati
De Romain Nati ass de Generaldirekter vum CHL

Eng Persoun wier den Ament wéinst der Covid-19-Krankheet op der Intensivstatioun, 11 (déi hospitaliséiert waren) wieren nees doheem, esou de Romain Nati.

Et wéisst kee sou richteg, wat kënnt, esou de Romain Nati. Et wéilt een d'Infektiounswell elo an der Längt strecken. Wann d'Preventiounsmesuren duerchgesat ginn, kéint dat geléngen, mee da misst drop gehale ginn, datt sech dru gehale gëtt: "Mir si lo net beim 'Du solls doheem bleiwen' mee beim 'Du muss doheem bleiwen' ", seet de Generaldirekter vum Centre Hospitalier.

De Centre Hospitalier huet 50 Beootmungsgeräter, 24 dovu si fir Corona-Patienten. De Romain Nati seet, am CHL hätt een Tendenz fréi ze intubéiere fir d'Schied un der Long kleng ze halen. Déi Geräter géife bei engem Patient 2-3 Woche lafen. Den CHL wéilt op 80 esou Geräter eropfueren, de Ministère hätt zougesot.

Ass och bei Iech am Haus geklaut ginn, freet de Maurice Molitor de Romain Nati: "Net am grousse Stil, mee et ass effektiv geklaut ginn." Den Desinfektiouns-Gel op de Stäck wier méi séier eidel oder fort gewiescht, wéi een en opgehaangen hätt.

Et wier ee confiant, datt een de Virus meeschter gëtt, esou de Romain Nati am 100,7-Interview. Et géif beim Personal eng "Kampfbereetschaft" ginn.

An der Mediathéik:

Invité vum Dag / / Maurice Molitor
Lauschteren

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen