VERFASSUNGSREFORM Keng komplett Onofhängegkeet vum Parquet an der Verfassung

An déi geplangte moderniséiert Verfassung wäert keng komplett Onofhängegkeet vum Parquet stoe kommen. Déi zoustänneg Chamberkommissioun huet um Dënschdeg de Bréif un de Staatsrot gutt geheescht.

Serge Kesseler / tt

Parquet
Foto: Justice.lu

Lauschteren


An déi geplangte moderniséiert Verfassung wäert keng komplett Onofhängegkeet vum Parquet stoe kommen.

Déi zoustänneg Chamberkommissioun huet mat de Stëmme vun den dräi Majoritéitsparteien a vun der CSV gëschter de Bréif un de Staatsrot gutt geheescht, mat Amendementer zum Justizkapitel vum Grondgesetz. D'ADR an déi Lénk hu sech enthal.

Et wier virgesinn, datt eng Independante vum Parquet bei den individuelle Recherchen a Poursuitte soll garantéiert ginn, esou de Kommissiounspresident Mars Di Bartolomeo (LSAP). D'Regierung soll awer d'Recht op Richtlinnen an der Politique pénale behalen.

No zum Deel kriteschen Avisen, wier elo zeréck behal ginn, datt e "plus ou moins" op den initiale Virschlag aus dem Text fir eng komplett nei Verfassung zeréck geet, erkläert de Rapporter vum Justizkapitel, Léon Gloden.

D'Onofhängegkeet, déi de Parquet bräicht fir seng Missiounen auszefëlle wier komplett garantéiert:

"D'Opportunité des Poursuites spillt weiderhin a mir gesi kee Risiko, datt do eng Politiséierung vum Parquet statt fënnt, déi jo och bis elo net statt fonnt huet."

Den CSV-Deputéierten ass der Meenung, datt d'Formuléierung, wéi se fest gehale gouf, de Kriticke vum Staatsrot aus dem leschten November Rechnung dréit.

Ministerin begréisst Formuléierung

D'Justizministerin Sam Tanson begréisst d'Formuléierung, wéi déi zoustänneg Chamberkommissioun se gëschter festgehal huet.

"Ech si wierklech frou iwwer d'Resultat", esou d'Sam Tanson haut am 100,7-Interview. Et wier wierklech een Equiliber tëschent deene verschiddene Positioun an et géif dem Parquet erlabe seng Aarbecht a grousser Onofhängegkeet weider ze maachen, och wann d'Regierung generell Instruktioune soll kënne ginn; dat wier keng direkt Weisungsgewalt, esou d'Ministerin. Et géif dorëm goen, datt d'Regierung grouss Linne soll kënne festhalen, an dat géif si net problematesch fannen.

Méi zum Thema

Léon Gloden
Verfassungsrevisioun

Fir d'CSV kéim et weiderhin net a Fro eng komplett Onofhängegkeet vum Parquet an der Verfassung ze verankeren, seet de Léon Gloden. Gëschter hat de Staatsrot op deem Punkt e ganz kriteschen Avis virgeluecht.

Conseil d'Etat
Revisioun vun der Verfassung

De Staatsrot plädéiert fir d'Verankerung vun der Onofhängegkeet vum Parquet an der Verfassung. E widdersprécht domat der Chamber a kritiséiert se schaarf. Virun allem d'CSV wollt dat net matdroen.

Michèle Sinner Kommentar
Chronik

D'CSV wëllt wéinst hirem Sträit mat der Procureure générale der Onofhängegkeet vum Parquet kee Verfassungsrang méi ginn. Dat ass keng Reklamm fir déi gréisst Oppositiounspartei, mengt d'Michèle Sinner.

Net verpassen

Programm

  • Ligne 2

  • On air

    Notturno

  • Virum Dag vu 6 bis 10

  • Panorama

  • Virum Dag vu 6 bis 10

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen