Impfung géint Covid-19 Kannerdokter: "Ech hunn nach kengem vun der Impfung ofgeroden"

De Kannerdokter Serge Allard seet, fir Jonker tëschent 12 a 17 Joer géifen et am Fong keng Konterindicatioune géint d'Covid-Impfung ginn.

Rick Mertens (Interview) / Claude Biver (Web)

Dr Serge Allard
Den Dr Serge Allard ass President vun der Societéit vun der Lëtzebuerger Kannerdokteren

De Vaccin vu BioNTech/Pfizer, dee fir Jugendlecher zougelooss ass, wier och bei Virerkrankungen an a Kombinatioun mat anere Medikamenter sécher, esou de President vun der Societéit vun der Lëtzebuerger Kannerdokteren.

"Ech mengen, datt déi meescht Jonk, déi chronesch Krankheeten hunn, all Interêt hunn fir sech impfen ze loossen. Et gëtt keng Konterindicatioune fir déi Impfung. Déi ass absolutt kompatibel mat all Medikament, mat all Krankheeten."

De Serge Allard hätt dofir och nach kengem vu senge jonke Patienten dovun ofgeroden, sech géint Covid-19 impfen ze loossen. Et kéint een awer net ausschléissen, datt nach méi schlëmm Niewewierkungen opfalen, elo wou de Vaccin bei méi enger breeder Populatioun benotzt gëtt:

"Dat weess een ni bei esou Vaccinen, wéi dat à long terme ausgesäit. Wann der eng Millioun Leit impft, da gitt der déi ganz ganz seele Problemfäll eréischt gewuer, wann der d'Leit bis geimpft hutt. A vläicht eréischt e puer Méint drop."

An der Mediathéik:

Invité vum Dag / / Rick Mertens
Lauschteren

Méi zum Thema

Impfen Sprëtz
Däitschland

An Däitschland ginn d'Diskussioune weider, ob Kanner a Jugendlecher sollen geimpft ginn - besonnesch mat Bléck op d'Rentrée am Hierscht an d'Delta-Variant, déi sech séier verbreet.

Impfung Covid-19 Lëtzebuerg
An engem neien Avis

Wien an de leschte sechs Méint de Coronavirus hat, brauch eventuell just eng Impf-Dosis ze kréien, esou den CSMI an engem Avis. Den Experte-Rot recommandéiert ausserdeem Jonker tëscht 12 a 15 Joer ze impfen.

Dr. Isabel De La Fuente Garcia
Covid-19

Ouni d'Kanner ze impfen ass d'Herdenimmunitéit hei am Land net méiglech, seet d'Doktesch Isabel De la Fuente. Aktuell kommen an der Moyenne eppes manner wéi 10 Kanner de Mount wéinst Covid-19 an d'Kannerklinik.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen