Impfflicht Julie-Suzanne Bausch: Impfflicht net no Alter oder Vulnerabilitéit

Et gi keng eethesch Argumenter géint eng Impfflicht - dësen Avis vun der nationaler Eethikkommissioun huet d'Julie-Suzanne Bausch am 100,7-Interview nach eng Kéier ënnerstrach. Duerch d'Omikron-Well wier dësen Avis net a Fro gestallt, mee éischter bestäerkt ginn.

Maurice Molitor (Interview) / Romain Butti (Web)

Julie Suzanne Bausch
D'Julie-Suzanne Bausch ass d'Presidentin vun der nationaler Eethikkommissioun.

D'Presidentin vun der nationaler Eethikkommissioun hätt och kee Problem mat enger Kategoriséierung no Beruffer beispillsweis, deet sech awer schwéier mat enger Impfflicht just fir eenzel Alterstranchen oder vulnerabel Leit:

"Wann ech elo soen, eng Persoun misst geimpft si wéinst hirer Funktioun, ass dat eppes ganz anescht wéi wann ech soen, eng Persoun muss geimpft gi well se krank ass oder well se al ass."

Souwäit dat éischt eethesch ze begrënne wier - well een eng Funktioun jo géif wielen -, misst ee vläicht domat rechnen, datt ee beispillsweis op kee Fall Medezin praktizéieren dierft, wann ee net wéilt geimpft ginn.

Et géif bei enger Verflichtung net goen, datt eng Persoun verflicht wier, sech ze impfen, well si beispillsweis schwéieren Diabetis hätt. D'Julie-Suzanne Bausch preziséiert weider, datt eng Prioriséierung héchstens no Funktioune geschéien dierft, awer net no Parameteren, déi de Mënsch géingen ausmaachen.

"Méi wichteg, d'Impfflicht moralesch verflichtend ze erklären"

Der Presidentin vun der nationaler Eethikkommissioun schéngt souwisou den Aspekt méi wichteg, datt een seng Impfung als e Geste vu Solidaritéit mécht:

"Du méchs dat fir déi aner, du méchs et och fir dech, fir deng Famill, fir deng Kanner, als e Geste vu Solidaritéit. An net: du muss dat maache well soss kriss de muer e Protokoll an d'Boîte."

Allerdéngs limitéiert d'Julie-Suzanne Bausch hir Zoustëmmung zu enger Obligatioun, sech impfen ze loossen op erwuessen, also groussjäreg Leit.

An der Mediathéik:

Invité:e vum Dag / / Maurice Molitor
Lauschteren

Méi zum Thema

Julie-Suzanne Bausch
Impfstrategie

D'Presidentin vun der nationaler Eethikkommissioun betount, et dierft een de Leit bei den Impfunge keng falsch Versprieche maachen. Et hätt am Moment nach kee Wäert en detailléierten Impfplang mat ville verschiddene Etappen auszeschaffen.

.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen