Ukrain-Konflikt Jean Asselborn: Lëtzebuerg ënnerstëtzt déi europäesch Sanktiounspolitik

Den Ausseminister Jean Asselborn seet, Lëtzebuerg wier "solidaresch", wann d'EU-Länner sech iwwer nei Wirtschaftssanktioune géint Russland eens ginn. Och wann d'Lëtzebuerger Finanzplaz dovu betraff wier.

Rick Mertens

Jean Asselborn
Den Ausseminister Jean Asselborn. Foto: Archiv.

Et wier een an enger Situatioun, an där u systemesche Sanktioune geschafft géif ginn, seet de Jean Asselborn am 100,7-Interview:

"Wou mir awer alleguer och ofgemaach hunn, datt mir net doriwwer diskutéieren am Virfeld, awer prett sinn, datt et méiglech ass si anzesetzen, wann dat misst gemaach ginn. Nun, mir sinn eng Bankeplaz. Dat trëfft d'Bankeplaz vläicht méi ewéi Länner, déi keng Bankeplaz hunn. Mee an där Saach do gëtt et nëmmen eent, an dat ass, datt mir europäesch Solidaritéit weisen."

Op EU-Niveau géifen am Moment och nei Sanktiounsmesurë preparéiert ginn, seet den Ausseminister. Déi géifen awer eréischt ëmgesat ginn, wann d'Situatioun un der russesch-ukrainescher Grenz weider eskaléiert.

An der Mediathéik:

Invité:e vum Dag / / Rick Mertens
Lauschteren

Méi zum Thema

Ukrainesch Verdeedegung un der Grenz zu Russland
Russesch Truppepresenz

An der Ukrain geet d'Tensioun weider wéinst der massiver russescher Truppepresenz op der Grenz. Et fäert ee weider eng Incursioun oder esouguer eng Invasioun vun der Ukrain - bis elo bleift et awer roueg.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen