Science Center Denonciatioun vun der IGF wéinst Verdacht op Abus de biens sociaux
An der Affär Science Center huet d'Inspection générale des Finances rezent eng Denonciatioun beim Parquet gemaach. Dat huet d'Justiz eis confirméiert. An der Affär Science Center huet d'Inspection générale des Finances rezent eng Denonciatioun un de Parquet viruginn.
Eisen Informatiounen no geet et ëm de Verdacht op Abus de biens sociaux. D'IGF huet déi lescht puer Méint en Audit beim Déifferdenger Wëssenschaftszenter gemaach. Et ass net déi éischt Denonciatioun an dësem Dossier.
Och den Educatiounsministère an de Mëttelstandsministère hu schonn Informatiounen un de Parquet weidergi wéinst dem Feele vun enger Autorisatioun d'Etablissement vun der privater Firma GGM11. D'Enquête Preliminaire heizou wier ofgeschloss, an de Parquet wäert deen Dossier viru Geriicht bréngen, esou de Justizspriecher Henri Eippers. De Science Center dee wëssenschaftlech Experienzen ubitt, ass wéinst enger ontransparenter Gouvernance an enger Verflechtung tëscht der ASBL an der Privatfirma GGM11 an de Mëttelpunkt geroden.
Méi zum Thema
Educatiounsministère: Audit confirméiert Probleemer beim Science Center
Den Audit iwwert de Fonctionnement vum Science Center géif weisen, datt et Gewurschtels am Wëssenschaftszenter zu Déifferdeng gouf. Dat seet den Educatiounsministère no der Presentatioun vun engem Audit.
