Energie-Kris IEA: Concertéiert Mesurë fir de Pëtrolspräis erof ze kréien

Iwwer 40 Energie- a Klimaminister aus aller Welt hu sech déi lescht Woch zu Paräis bei der internationaler Energieagence getraff, fir ee gemeinsame Wee aus der Energie-Kris ze fannen.

Tom Haas / cbi

Claude Turmes
Den Energieminister Claude Turmes am 100,7-Studio. Foto: Archiv

Lauschteren


Beim Treffe vun den Energieministere bei der Internationaler Energieagence (IEA) déi lescht Woch wier et vu Virdeel gewiescht, datt och Länner wéi Mexiko, Kanada an d'USA derbäi gewiescht wieren, seet de Claude Turmes am 100,7-Interview.

Et hätt een dovunner profitéiert fir mat deene Länner an d'Gespréich ze kommen, datt an den nächste Wochen Dieseproduiten aus dëse Länner geliwwert kënne ginn. Brasilien, Kanada an d'USA sollen hir Pëtrolsproduktioun och an d'Luucht setzen.

Concertéiert Aktioune fir de Pëtrolspräis erof ze kréien

Dat geet awer bei Wäitem net duer, fir Europa onofhängeg vu Russland ze maachen. Dofir hätten d'Energieminister der IEA e Mandat gi fir d'Demande no Pëtrol erofzekréien. Dofir wéilt ee verschidde Mesuren op de Wee bréngen.

Ënner anerem sti Vitesslimitatiounen op den Autobunnen, autofräi Sonndeger, dräi Deeg Télétravail d'Woch oder nach Nuets- a Schnellzich amplaz vu Fligeren an der Diskussioun. D'Zil ass et, fir d'Demande no Pëtrol ëm méi wéi 2 Millioune Barrel den Dag erof ze kréien.

Fir datt esou Mesurë wierken, misste se awer an alle Länner ëmgesat ginn, betount de gréngen Energieminister Claude Turmes:

"Wa mer sou Saache géifen zu Lëtzebuerg maachen an de Recht vun der Welt mécht dat net, dann - bei aller Gréisst, déi mer hunn - hätt dat guer keen, oder bal keen Impakt op de Weltpëtrolsmarché."

Méi zum Thema

De Robert Habeck mam Saad Scharida al-Kaabi, Energieminister vum Katar.
Däitschland

Den däitsche Klima- a Wirtschaftsminister Robert Habeck reest an de Katar an an d'Vereenegt Arabesch Emiraten, fir iwwer Gasliwwerungen ze verhandelen. Eng schwéier Missioun an een Dilemma, mengt de Max Tholl.

Boris Johnson et Mohammed bin Salman Al Saud
Royaume-Uni

Boris Johnson veut sevrer l'occident de sa dépendance au gaz russe. Pour cela, il s'est rendu aux Émirats arabes unis et en Arabie saoudite. Au Royaume-Uni, ce voyage a créé la polémique.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen