Gratis ëffentlechen Transport Hoffnung op manner Autosverkéier

D'Decisioun fir den ëffentlechen Transport gratis ze maache geet zréck op de Koalitiounsaccord vun den dräi Regierungsparteien. Ronn 500 Milliounen Euro kascht den ëffentlechen Transport de Staat elo schonn. An Zukunft kommen 41 Milliounen Euro dobäi, eng Zomm déi bis elo de Verkaf vu Billjeeën abruecht huet. Erhofft gëtt sech, datt an Zukunft méi Leit dës Offer an Usproch huelen a manner an den eegenen Auto klammen.

Luc Melsen / cz

Dany Frank
D'Dany Frank ass Responsabel fir Kommunikatioun am Mobilitéitsministère

De Frontalier muss bis un d'Grenz vu Lëtzebuerg bezuelen, de Rescht vum Trajet hei am Land ass dann och fir hie gratis. Ob elo an Zukunft Frontaliere Grenzdierfer zou parken, dat misst an de nächste Méint ënnersicht ginn, sou Dany Frank. Vill Gemengen hätten an der Vergaangenheet scho reagéiert fir déi méiglech Problematik an de Grëff ze kréien.

D'Zuchpersonal muss an Zukunft vill manner Billjeeë kontrolléieren, well just nach fir déi éischt Klass en Ticket gebraucht gëtt. Op de Garë bleiwen d'Automate fir Ticketen ze kafe stoen, just um Reseau vum Tram gi se ewech geholl. Ee ganz wichtegen Outil fir den ëffentlechen Transport war d'mKaart. Déi bleift och an Zukunft bestoen. Et kann ee se weider benotze fir den Accès fir d'mBox, den Accès op de Chargy-Bornen, fir op verschiddene Park and Ridë gratis ze parken, oder fir den Zerwiss vum Vël'Ok a ville Süd-Gemengen.

Evaluatioun vun de Passsagéierzuelen an eventuell Upassungen

Jiddereen deen de gratis ëffentlechen Transport notzt muss sech zu all Moment kënnen ausweisen a beim Net-Respekt vun den allgemenge Reegele kann den Accès refuséiert ginn. Am Tram funktionéiert schonn een automatesche System fir d'Zuel vun de Passagéier ze erfaassen, beim Zuch a bei de Busser solle sou Systemer no an no agebaut ginn. A ronn engem Joer soll een éischte Bilan gezunn a gekuckt ginn wéi de gratis ëffentlechen Transport ugeholl gouf a wéi eng Upassungen eventuell musse gemaach ginn.

D'Aféierung vum gratis ëffentlechen Transport gëtt dësen 29. Februar grouss gefeiert. Ob véier Garë sinn am Laf vum Dag verschidde Lëtzebuerger Museker am Asaz. De Samschdeg vun 18 Auer u gëtt am neien Tramsschapp um Kierchbierg gefeiert.

An der Mediathéik:

Lauschteren

Méi zum Thema

LuxTram
Gratis Ëffentlechen Transport

Vun e Samschdeg u soll den ëffentlechen Transport zu Lëtzebuerg gratis sinn. D'Gratuitéit ass nëmmen ee Bausteen an der Strategie vum Transportministère, fir déi ëffentlech Verkéiersmëttelen ze fërderen.

RGTR-Versammlung
Ëffentlechen Transport

D'Reorganisatioun vum nationale Busreseau suergt bei de Bierger fir ënnerschiddlech Reaktiounen. Op enger rezenter Informatiounsversammlung konnt mam Transportministère iwwer d'Verännerunge vum neie Busreseau diskutéiert ginn.

Programm

Praktesch Infoen

  • 27.5. Generatiounen

    27.5. Generatiounen

    Sonn duerch Vitaminnen, eng richteg Kinosfamill an de Feeling vum Café des Artistes bei Iech an d'Stuff

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen