Affär Traversini Haut éischt Reaktioun vun der Carole Dieschbourg

D'Carole Dieschbourg äntwert haut fir déi éischte Kéier ëffentlech op d'Froen am Dossier vun den Autorisatioune fir Bauaarbechte vum Déifferdenger Ex-Buergermeeschter Roberto Traversini.

Jean-Claude Franck / cbi

Carole Dieschbourg
D'Carole Dieschbourg wëll haut fir d'éischte Kéier ëffentlech op d'Affär Traversini reagéierne.

Déi gréng Ëmweltministerin géif de Mëtteg eng Pressekonferenz aberuffen, krute mir am Ministère gesot. D'Ëmweltministerin hat hirem grénge Parteikolleg am August eng nodréiglech Autorisatioun gi fir Aarbechten un engem Gaardenhaischen an der Zone verte, Aarbechten, déi deen Ament schonn am Gaange waren. D'Gaardenhaische läit awer an der Réserve naturelle Prënzebierg, wou laut Reglement Grand-Ducal keng Constructiounen erlaabt sinn.

D'CSV wëllt d'Ministerin d'urgence an eng Chamberkommissioun convoquéiere fir Erklärungen ze ginn. Déi chrëschtlech-sozial Vollekspartei huet och zwou urgent Question parlementaires gestallt:

Spéitstens bis e Mëttwoch soll d'Carole Dieschbourg bei d'Deputéiert kommen, freet d'CSV. Si mengt, d'Ministesch hätt Feeler gemaach, wéi si d'Aarbechten um Gaardenhaus nodréiglech autoriséiert huet.

Avis juridique vun der CSV

D'CSV huet en Avis juridique erstelle gelooss, d'Synthees dovu läit dem radio 100,7 fir. Do dran heescht et, d'Gaardenhaus géif an der Reserve naturelle Prënzebierg leien, an deem all Constructioune verbuede sinn. Dowéinst hätt keng Autorisatioun dierfen ausgestallt ginn.


Erklärunge vum Michèle Sinner

Lauschteren


D'Aarbechten um Gaardenhaus géifen doriwwer eraus och géint d'Naturschutzgesetz verstoussen, well net gewosst ass, wéini et gebaut an autoriséiert gouf - dat hat d'Carole Dieschbourg schonn déi viregt Woch zou ginn. Domat ass de Bau vum Gaardenhaus et net legal an dee Moment kéint d'Ministerin an der Zone verte och keng Renovatiounsaarbechte geneemegen.

Déi gréisst Oppositiounspartei bezweifelt och, datt den Dossier vun der Demande komplett war. En onkompletten Dossier dierf laut Gesetz net traitéiert ginn.

D'Ministesch äntwert haut op Kritik

D'Carole Dieschbourg huet fir de Mëtteg eng Pressekonferenz aberuff fir op déi Virwërf anzegoen, souwéi zu de de Virwërf, déi d'Wochenzeitung d'Lëtzebuerger Land e Freiden opgegraff hat: ëm d'nodréiglech Autorisatioun vun engem Ieselsschapp vun hirer Famill bei Iechternach. Nach e Freide wollt d'Ministerin selwer keng Froe beäntwerten an huet hiren ieweschte Beroder fir geschéckt.

De Roberto Traversini huet virun enger gudder Woch an der Suite vun der Affär demissionéiert, nodeems de Parquet eng Enquête géint hien opgemaach huet. Hien hat selwer zouginn, net all d'Autorisatioune gehat ze hunn an datt en och Gemengeservicer fir sech schaffe gelooss huet.

Méi zum Thema

François Bausch
Affär Traversini

Nom trageschen Dout vum Camille Gira, de gesondheetleche Problemer vum Félix Braz an der Demissioun vum Roberto Traversini sinn déi gréng "an enger Kris". Dat sollt een och net schéirieden, seet de François Bausch.

Roberto Traversini
Affär Traversini

De Roberto Traversini trëtt als Buergermeeschter vun Déifferdeng zeréck. Hien zitt domat Konsequenzen no den Uschëllegunge géint seng Persoun. Hien huet ë.a. zouginn, Gemengeservicer fir privat Zwecker mëssbraucht ze hunn.

Jean-Claude Franck Analys
Politesche Wocheréckbléck

D'Deeg vum Roberto Traversini als Déifferdenger Buergermeeschter schénge gezielt ze sinn. An de leschten Deeg huet hie vill Feeler missten agestoen. Fir 11 Auer huet hien eng Pressekonferenz aberuff.

Traversini Haus.JPG
Gaardenhäisschen

Nodeems de Roberto Traversini de Mëttwoch, op Drock vun der Oppositioun hin, Feeler zouginn huet, ginn et méiglecherweis nach weider Problemer fir den Déifferdenger Buergermeeschter. D'Michèle Sinner huet d'Geschicht opgeschafft.

Programm

  • Moies-Magazin

  • On air

    Iwwer Mëtteg

    • Café Scientifique - FNR-Awards fir d'Linda Wampach

  • Resonanzen

  • Spektrum

  • Ënnerwee

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen