Reouverture vum Commerce Handelskonferedatioun ass erliichtert
De Commerce ass erliichtert, datt d'Geschäfter nees kënnen opmaachen. D'Situatioun am Secteur wier batter, seet den Nicolas Henckes. Hien huet kee Versteesdemech, datt d'Geschäfter iwwerhaapt hu missen zoumaachen.
"Mir sinn deck erliichtert", seet de Nicolas Henckes, d'Situatioun bei de Betriber wier "ganz schlëmm". De Chiffre d'affaire an deene Wochen virun der Fermeture wier an der Moyenne 20 Prozent méi niddreg wéi d'lescht Joer gewiescht. Fir déi meescht wier et an de leschte Woche ganz batter ginn, seet den Direkter vun der Handelskonfederatioun, d'Reserve wieren um Enn.
Nei Oplagen misste kee Problem duerstellen
Déi nei Oplage fir d'Geschäfter - ee Client op 10 Quadratmeter - dierfte kee Problem ginn, mengt den Nicolas Henckes. Dës Oplage géifen nämlech op Propose vum Secteur selwer zeréckgoen.
Déi meescht Commerçanten, déi meng eng kleng Surface wéi 400 Quadratmeter hunn, hätte sech scho virdrun un dës Reegel gehalen. Den Nicolas Henckes geet dovunner aus, datt et e Méindeg keng Schwieregkeet misst ginn fir d'Reegelen all ze applizéieren.
Hien huet guer kee Versteesdemech, datt d'Geschäfter zougemaach goufen, well sech d'Leit méi am private Kader géifen ustiechen. Dofir fuerdert den Nicolas Henckes:
"Wann d'Regierung eppes wëllt ënnerhuelen, da soll se d'Police erausschécken a kucken, datt déi privat Partien opgehale ginn a mat ganz décken Amenden bestrooft ginn."
Méi zum Thema
"Just mir mussen de Fanger an de Mond stiechen"
Och d'Horesca ass net zefridde mat den annoncéierte Lockerunge vun de Corona-Restriktiounen. Den Horesca-Generalsekretär François Koepp versteet net, firwat datt d'Restauranten a Caféë musse bis Enn vum Mount zoubleiwen.
Xavier Bettel: D'Politik muss e Kompromëss fannen
De Premier Xavier Bettel verdeedegt d'Decisioun vun der Regierung, fir eenzel Restriktiounen ze lackeren. Et misst een awer och séier reagéiere kënnen, wa beispillsweis an dräi Wochen d'Zuelen erëm an d'Luucht géife goen.
Nei Mesuren: Kritik vun der Oppositioun
D'Infektiounszuele misste weider erof an d'Spideeler entlaascht ginn, heescht et vun den Oppositiounsparteien. Si sinn net mat den neie Covid-Mesuren averstanen, aus ganz verschiddene Grënn.
Lëtzebuerg kéint sech Lockerungen erlaben, esou de Santésdirekter
De Jean-Claude Schmit stäipt der Regierung bei hirer Decisioun fir d'Restriktiounen nees opzelackeren, de Réck. Dat obwuel nach net gewosst ass, wéi een Effet d'Feierdeeg an d'Vakanz op d'Infektiounszuelen hunn.
Schoulen, Crèchen a Commercë ginn op, Horesca bleift zou
Ënner anerem ginn d'Schoulen an d'Crèchen den 11. Januar nees op, de Couvre-feu gëtt vun 21 op 23 Auer geréckelt an d'Restriktiounen am Sport an am Kultursecteur gi gelackert. D'Horesca bleift bis den 31. Januar zou.
