Proposë vum Frank Engel Gemëschte Reaktiounen

Den Nationalcomité vun der CSV kënnt an enger Visiokonferenz beieneen, fir iwwer de Clinch tëscht der Partei an dem President ze schwätzen. De Frank Engel hat, ouni sech intern ofzeschwätzen, eng Ierfschaftssteier an direkter Linn an eng Verméigenssteier fir Privatpersoune gefuerdert. Vertrieder vun de Majoritéitsparteie reagéieren ënnerschiddlech.

Maurice Molitor / cbi

Frank Engel
De Frank Engel kritt ënnerschiddlech Reaktiounen op seng Proposen. Foto: Archiv

De Bäitrag vum Maurice Molitor lauschteren


Den DP-Fraktiounschef Gilles Baum wëllt sech iwwer d'Propose vum Fränk Engel guer net laang de Kapp zerbriechen. Eng Ierfschaftssteier an direkter Linn ass fir d'DP a sengen Aen de falsche Wee. "Dat ass keng Optioun." Dat géif net am Koalitiounsaccord stoen a wier och net mat der DP ze maachen.

Och d'Verméigenssteier ass fir de Gilles Baum keng Optioun. Et wier net de Moment, fir d'Steieren eropzesetzen, mee et wier wichteg, datt d'Kafkraaft erhale bleift, sou datt d'Leit hëllefe kënnen d'Ekonomie erëm unzedréinen.

Josée Lorsché: "Kee Wonnermëttel"

Fir d'Josée Lorsché gëtt et keng akut Noutwennegkeet op d'Diskussioun anzegoen, déi den CSV-President lass getrëppelt huet. Eng eenzeg Steier wier kee Wonnermëttel, "doudsécher net", esou déi gréng Fraktiounscheffin. D'Ambitioune vun der Steierreform bleiwe fir déi gréng onverännert: eng Individualiséierung vum System, verbonne mat fiskale Mesurë fir méi sozial Gerechtegkeet an e bessere Klimaschutz.

Wann dat ouni Ierfschafts- a Verméigenssteier méiglech wier, bräicht een net iwwer Saachen ze schwätzen, déi net am Koalitiounsprogramm stinn, ënnersträicht d'Josée Lorsché. Déi gréng géife sech den Diskussiounen awer net verschléissen, sollt een do net weiderkommen. "Iergendwou muss d'Geld hier", esou déi gréng Fraktiounspresidentin. Et wier een awer nach net esou wäit, datt ee keng Scholde méi kéint maachen. "Mir hunn nach Sputt."

Georges Engel: kee Kommentar

Den LSAP-Fraktiounschef Georges Engel wollt op Nofro hin net reagéieren. Säi Parteikolleeg, de Vizepremier Dan Kersch, hat dem CSV-President awer scho leschte Freideg iwwer Facebook politesche Courage attestéiert. Hien huet ënnerstrach, datt d'LSAP enger gesellschaftlecher Diskussioun iwwer Ierfschafts- a Verméigenssteier oppe géintiwwer géif stoen.

Méi zum Thema

Frank Engel
Chrëschtlech-Sozial Vollekspartei

Den CSV-Nationalcomité ass elo mam Sträit iwwer dem CSV-President Frank Engel seng Steierproposë befaasst. An d'CSJ fuerdert en anere Leadership.

Frank Engel
Steierpolitik

De Frank Engel hat sech fir eng Ierfschaftssteier an direkter Linn an eng Verméigenssteier fir Privatpersounen ausgeschwat. Am Walprogramm vun 2018 stéing de Géigendeel, heescht et elo vu senger Partei.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen