Remboursement vun der Psychotherapie Fapsylux fuerdert d'CNS op fir d'Verhandlungen erëm opzehuelen
D'Federatioun vun de Psychotherapeuten, Fapsylux, hofft datt d'Verhandlunge mat der Gesondheetskeess iwwer de Remboursement vun der Psychotherapie séier erëm ukommen. De Besoin fir Prise en chargë bei engem Psychotherapeut wier aktuell grouss, grad dowéinst wier et wichteg een Auswee ze fannen. D'Negociatiounen, déi schonn zanter Joren undaueren, leien de Moment op Äis.
Datt d'Seancë beim Psychotherapeut sollen zréckbezuelt ginn fuerdert d'Fapyslux scho laang, d'Verhandlunge lafen zanter 2018. E puer Konflikter méi spéit, sëtze béid Säiten zanter ugangs des Joers erëm un un engem Dësch. Mee do gouf d'Fapyslux iwwerrascht, sou hir Presidentin Delphine Prüm.
Fënnef Haaptfuerderungen huet d'Fapsylux, déi all op een Haaptzil histeieren: méiglechst vill Fräiheet fir all Assuréen, fir den Accès op d'Psychotherapie a fir den Therapeut, notamment fir seng eegen Diagnos ze stellen, ouni op de Kontakt mat Medezinner ze verzichten. An dovu wëllt d'Fapsylux net fort. Firwat gouf de Réckgang bei der CNS ageluecht? Vun der Gesondheetskeess krute mir bis elo kee Statement.
Ech denken datt d'CNS well e puer Saachen ënnert een hutt setzen an hätt gär datt ganz séier eppes op d'Bee gestallt gëtt fir déi Leit déi elo eng Souffrance hunn a soss kee Problem hunn."
De Besoin fir eng Behandlung bei Psychotherapeute wier aktuell effektiv grouss, betount och d'Delphine Prüm. D'Fapyslux wënscht sech awer eng méi inklusiv Léisung a verdeedegt hir Fuerderungen. Hir Diere géifen elo opstoen heescht et vun der Fapsylux, et hofft een op ee Schrëtt vun der CNS.
Méi zum Thema
Fapsylux: Propos vun der CNS geet net wäit genuch
D'Fapsylux kritiséiert, datt d'CNS en direkten Accès op d'Psychotherapie just am Fall vu liichte a moderate Probleemer wéilt rembourséieren. Dat géif net deem entspriechen, wat an den aktuelle Verhandlunge zur Debatt géif stoen.
"Dat ass keng Konventioun méi"
De Sozialminister Romain Schneider huet e groussherzoglecht Reglement iwwer de Remboursement vu psychotherapeutesche Seancen ausgeschafft. D'Delphine Prüm, Presidentin vun der Fapsylux, kritiséiert dëse Projet.
D'Reserve vun der Gesondheetskeess klammen
2017 huet d'Gesondheetskeess 2,85 Milliarden u Recettë kritt. D'Depensë louche bei 2,7 Milliarden. Si konnt hir Reserven ëm 150 Milliounen eropsetzen, déi an Infrastrukturen a Leeschtungen investéiert ginn.
Keen Accord tëscht Fapsylux an CNS
Et kënnt bis op Weideres net zu enger Konventioun tëscht de Psychotherapeuten an der Gesondheetskeess. Déi zwee Verhandlungspartner hätte bei der leschter Reunioun decidéiert an d'Mediatioun ze goen.
