Coronavirus Falsch Informatiounen an Zäite vu Covid-19

An Zäite vu Covid-19 si vill Informatiounen am Internet, an Chat-Programmer an op de soziale Medien ënnerwee, an domat automatesch och vill Falschinformatiounen. A verschiddene Fäll ass den Ënnerscheed tëschent Informatioun a Manipulatioun liicht ze gesinn an aneren awer net. Mat enger Web-Applikatioun wëllt den Zentrum fir politesch Bildung dobäi hëllefen, dësen Ënnerscheed besser ze erkennen.

Pit Walté / cz

info
Foto: Internetsite vum Zentrum fir politesch Bildung

Et misst een oppassen, wann een am Internet ënnerwee wier, esou de Marc Schoentgen, Direkter vum Zentrum fir politesch Bildung an net nëmmen elo, wou d'Haapttheema den neiaartege Coronavirus ass. Fake News géifen zu eiser Zäit dozou gehéieren an zum Deel wieren d'Leit och schonn dofir sensibiliséiert.

"D'Gefor ass awer natierlech, datt ee kengem méi eppes gleeft, mee dat kann et an dësen Zäite jo awer och net sinn. Ech mengen et muss ee Leit hunn, an déi ee Vertrauen huet, et muss een Informatiounsquellen a Medien hunn, deenen een nach vertraue kann. Et dierf een, mengen ech, net an dat anert Extrem falen a kengem méi eppes gleewen."

Dofir wier et wichteg ze hannerfroen an net alles ze gleewen, wat engem presentéiert gëtt. Déi éischt Fro wier: Wou kennt et hier? Wien ass den Auteur? Wier dat net kloer, wier d'Warscheinlechkeet grouss, datt et eng Falschinformatioun wier, seet de Marc Schoentgen.

propaganda.guide

Dat nächst wat ee sech froe muss, ass: Wat wëllt deen, deen dohannert stécht? Wat wëllt ee mat dësem Contenu erreechen? D'Intentioun hanner enger Informatioun wier wichteg, seet den Direkter vum Zentrum fir politesch Bildung.
Fir nach weider Hëllef mat op de Wee ze ginn, huet den Zentrum fir politesch Bildung eng Web-Applikatioun entwéckelt, mat där een nach méi einfach Falsch-Informatiounen identifizéiere kann: propaganda.guide

"Do sinn zéng Froen dran, an d'App hëlleft engem duerch dës Froen ze goen, wann een eng Noriicht, e Video, eng Audio-Noriicht oder e Bild huet. Wann ee sech déi zéng Froe gestallt huet, da kuckt ee sech duerno d'Resultat un, dat engem déi Web-Applikatioun erausgëtt. Do kritt een eng Recommandatioun, zum Beispill datt d'Chance relativ grouss ass, datt dat eng Fake News ass."

Dës Web-Applikatioun fënnt een och um Site vum Zentrum fir politesch Bildung: zpb.lu. Op där Säit fënnt een nach weidert Material fir Kanner op d'Gefor vun de Fake News opmierksam ze maachen.
Als Zentrum fir politesch Bildung kéint een net jiddwereen informéieren oder all Falschinformatioun identifizéieren, seet de Marc Schoentgen. Dofir géif een drop setzen, datt Multiplicateure wéi Elteren oder Léierpersonal d'Kanner sensibiliséieren. Et géif drëms goen, Reflexer ze entwéckelen an Noriichten a Biller ze hannerfroen.

An der Mediathéik:

Aktuelles / / Pit Walté
Lauschteren

Méi zum Thema

Georges Krombach
Corona-Pandemie

De Lëtzebuerger Georges Krombach lieft a schafft zanter 2018 an der gréisster Stad an den USA. Hien huet trotz der aktueller Situatioun decidéiert, net fréizäiteg zeréck op Lëtzebuerg ze kommen.

Corinne Cahen.jpg
Bis eng Impfung do ass

D'Familljeministerin Corinne Cahen geet dovun aus, datt d'Liewen, esou laang et keng Impfung oder e wierksaamt Medikament gëtt, warscheinlech "net dat selwecht" wäert sinn.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen