Welt-Klimastreik EU-Parlament wollt keen Debat mat Klima-Aktivisten
Am Europaparlament war dës Woch eng Delegatioun vu Klima-Aktiviste vun der Beweegung "Fridays for Future" op Besuch. Bei der Debatt iwwer de Klimaschutz hu si awer just dierfen nolauschteren. Matdiskutéiere war net erlaabt. Dat ass am Fong net nozevollzéien, fënnt d'EU-Korrespondentin Danièle Weber.
Déi ronn 60 Aktivisten aus 18 verschiddene Länner ware vun deene Gréngen a vun der Gauche Unie invitéiert ginn. Déi Chrëscht-konservativ Europäesch Vollekspartei, déi Liberal an déi riets Parteie waren dogéint, fir hinnen d'Wuert an der Plenière ze ginn.
Dowéinst souzen d'Aktivisten op der Visiteurstribün a konnte beim Debat iwwer de Klimaschutz just nolauschteren. Frou ware si doriwwer net. Hire Bilan vum Debat ass och net grad positiv ausgefall.
Eng verpasse Geleeënheet, fir mat Vertrieder vun der Beweegung "Fridays for Future" op europäeschem Niveau ze diskutéieren, fënnt d'100,7 EU-Korrespondentin Danièle Weber.
Lauschtert d'Gespréich mat der EU-Korrespondentin vum 100,7 Danièle Weber. An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
Analys
Opsplécken ass och keng Léisung
D'Reform vun der Europäescher Asylpolitik stécht an der Sakgaass. D'EU-Inneminister sinn en Donneschdeg, wéi ze erwaarden, net virukomm. Heescht dat, dat déi Reform elo endgülteg um Enn ass?
99 Deeg bis Europawahlen, 42 Deeg bis Brexit
De 26. Mee sinn Europawahlen, den 29. Mäerz verléisst Groussbritannien d'EU. Ass et sécher, datt d'Briten dës Kéier net bei deene Wahlen dobäi sinn? Erklärunge vun der radio 100,7-EU-Korrespondentin Danièle Weber.
