Lobbytransprenz EU net kohärent am Ëmgang mat Lobbyisten
D'Europaparlament gëtt sech méi streng Reegelen am Ëmgang mat Lobbyisten. Dat heescht awer net, datt elo all Lobbyist sech muss an ee Regëster aschreiwen. Dorop kucke mir an eisem EU-politesche Wocheréckbléck.
An Zukunft mussen all Europadeputéiert, déi un EU-Gesetzer schaffen, hir Rendez-vouse mat Lobbyiste publik maachen. Et ass awer net decidéiert ginn, datt si sech just nach mat Lobbyisten treffen dierfen, déi offiziell enregistréiert goufen.
Firwat wollt d'Parlament, wat sech jo soss fir méi Transparenz staark mécht, net méi wäit goen? Wéi hunn d'Lëtzebuerger Europadeputéiert sech an deem Dossier verhalen? A firwat ass d'Reaktioun bei der Europäescher Kommissioun op déi Decisioun net ganz begeeschtert ausgefall?
Lauschtert d'Gespréich mat der Danièle Weber. An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
Keng Fake-Fraktiounen méi am Europaparlament
D'Europaparlament stëmmt iwwer nei intern Regelen of. Et geet ënner anerem ëm den Ëmgang mat Lobbyisten. Dernieft solle Fake-Fraktiounen verhënnert ginn.
Lëtzebuerg setzt weider op fräiwëlleg Mesuren
Ënner anerem direkt EU-Agrarsubsidë sollen an Zukunft méi staark un Ëmweltoplage geknäppt ginn. Lëtzebuerg ass dofir, datt dat op fräiwëlleger Basis geschitt, seet de Landwirtschaftsminister Romain Schneider.
Limitéierte Fräihandelsaccord mat den USA
Bréissel wëllt mat den USA iwwer Handelsaccorde verhandelen. Et geet an éischter Linn drëm, Taxen ofzeschafen. D'Propos geet den USA net wäit genuch an ass och an der EU ëmstridden.
Méi streng Reegele fir d'Ministeren?
E rezente GRECO-Rapport kënnt zum Schluss, datt den Deontologieskodex fir d'Ministere méi streng misst sinn. Dee Kodex gesäit ënner anerem fir, datt si all hir finanziell Interesse mussen deklaréieren.
