Réckbléck op déi europäesch Woch Eng schwaach Kandidatin
D'Kandidatin Ursula von der Leyen muss sech dem Vott am Europaparlament stellen. Do konnt si bis elo net jiddwereen iwwerzeegen an um Enn kéint si dank de Stëmme vum rietse Bord gewielt ginn.
D'Reaktiounen op d'Entrevuen, déi Kandidatin von der Leyen am Europaparlament hat, ware méi negativ, wéi dat ze erwaarde war.
D'Ursula von der Leyen huet an hiren Äntwerten op d'Froe vun den Europadeputéiert éischter vag geäntwert. Et hätt hir net geschuet, hir Positiounen an engem Wahlkampf ze schäerfen. An um Enn kéint si op eng Majoritéit kommen, déi si zu engem signifikanten Deel den Euroskeptiker ze verdanken huet. D'Extrem Droite (de politesche Grupp, an deem déi italienesch Lega Nord, de belsche Vlaams Belang, de franséische Rassemblement National an déi däitsch AFD vertruede sinn) hunn ugedeit, si kéinte fir d'Kandidatin stëmmen, fir een Zeeche géint de Spëtzekandidatesystem ze setzen.
Dat wier een alarmant Signal, sou d'Analys vun eiser EU-politesch Korrespondentin Danièle Weber.
An der Mediathéik:
LauschterenMéi zum Thema
Exklusiv
All Regierung soll eng Fra an ee Mann nominéieren
D'Ursula von der Leyen hätt gär, datt all national Regierung souwuel eng Fra wéi och ee Mann als EU-Kommissär proposéiert. Zil wier eng Kommissioun mat 50 Prozent Fraen a 50 Prozent Männer.
Gréngen EU-Kommissär als Konditioun?
D'nächst Woch gëtt am Europaparlament ofgestëmmt, ob d'Ursula von der Leyen déi nächst Kommissiounspresidentin gëtt. Hei kéint et op d'Stëmme vun de Gréngen ukommen, déi skeptesch bleiwen.
Analys
Alles anescht wéi eng europäesch Léisung
D'Nominatioun vun der Ursula von der Leyen als Kommissiounspresidentin ass ëmstridden. Wéi steet et ëm d'Lëtzebuerger Responsabilitéit an deem Prozess? Dorop kucke mIr mat eiser EU-Korrespondentin Danièle Weber.
E Pak ouni Spëtzekandidaten
D'EU-Staats- a Regierungscheffe proposéieren, datt d'Ursula von der Leyen Kommissiounspresidentin soll ginn. De Xavier Bettel begréisst den Accord, fir de Jean-Claude Juncker ass de Spëtzekandidatesystem elo dout.
