Nom Tornado Éischte Bilan vum CGDIS nom Tornado ass positiv

D'Koordinatioun vum nationale Rettungscorps wier nom Tornado e Freideg bis elo generell gutt verlaf. Dat seet de Koordinator vum CGDIS, de Colonel Raymond Guidat. Et ass déi éischt grouss Naturkatastroph, bei deenen d'Servicer vum CGDIS zanter dem Lancement virun engem Joer intervenéiert sinn. Gëschter wier de Gros vum CGDIS-dispositif nom Tornado ofgeriicht ginn.

Françoise Keller / cz

CGDIS Tornado Reunioun.jpg
Foto: Twitter Raymond Guidat

Ronn 500 Leit hunn der Inneministesch no e Méindeg Schied nom Tornado gemellt gehat. Déi lescht 24 Plaze wiere gëschter nach kontrolléiert ginn, sou de Colonel Raymond Guidat. Déi mobil Kommandozentral vum CGDIS zu Käerjéng wier gëschter ofgeriicht ginn. Wann all d'Interventiounen ofgeschloss wieren, géif eng Analys lancéiert ginn. Dono wäert awer nach e puer Méint daueren, bis dës Analys ofgeschloss ka ginn.

Iwwer d'Dauer vum Asaz gekuckt wier d'Koordinatioun gutt verlaf

Een Awunner vu Péiteng hat am 100,7 Interview d'Organisatioun vun der Police an de Pompjéën den Dag vum Tornado als "chaotesch" beschriwwen. Si wiere "wahrscheinlech iwwerfuerdert gewiescht". De Colonel Raymond Guidat gesäit dat méi nuancéiert.

Déi éischt Minutten oder Stonnen nom Tornado wier et vläicht e puer kleng Koordinatiounsschwieregkeete ginn, mee nodeems d'Servicer sech opgestallt haten an déi néideg Moyenen engagéiert gi sinn, wieren d'Aarbbechte gutt verlaf. Iwwer déi fënnef Interventiouns-Deeg gekuckt wier d'Koordinatioun, och mat der Police gutt verlaf, seet de Colonel Raymond Guidat. An der geplangter Analys vun den Aarbechten nom Tornado géif een allerdéngs och dësen Aspekt op de Leescht huelen.

Verschidden Aarbechte ginn op méi Niveauen traitéiert

D'Koordinatioun mat Daachdecker géif zum Beispill op zwou verschidde Manéier geschéien, esou de Raymond Guidat vum CGDIS. Eng Partie Daachdecker goufen direkt vun den Awunner kontaktéiert, anerer hu sech beim CGDIS gemellt. "A vun do un hu mir eng kleng Koordinatiouns-Cellule op d'Bee gestallt mat engem vun eise Responsabel fir d'Aarbechten ze lokaliséieren a se un d'Entreprise weider ze leeden, déi op d'Plaz gaange sinn, fir sech dorëms ze këmmeren", seet de Raymond Guidat.

Direkt nom Tornado hunn eng Parti Privatleit selwer zum Beispill Stroosse geraumt. Vum CGDIS ass et do de Conseil, datt ee keng onnéideg Risike sollt agoen. "Mee et probéiert een dem CGDIS sou präzis wéi méiglech Renseignementer ze ginn, fir datt mir wësse wat a wou de Problem ass, fir datt mir déi passend Leit kënne schécken."

An der Mediathéik:

Aktuelles / / Françoise Keller
Lauschteren

Méi zum Thema

Käerjeng 5
Wiederchaos

De Gros vum CGDIS-Dispositif nom Tornado wäert haut, Dënschdeg, ofgeriicht ginn, seet de Koordinator Colonel Raymond Guidat. D'Koordinatioun vum nationale Rettungscorps wier nom Tornado e Freideg bis elo generell gutt verlaf.

Tornado CGDIS twitter
Wiederkatastroph

Och nom Weekend stinn déi Betraffe vum Tornado zu Käerjeng a Péiteng nach ëmmer virun enger Partie Erausfuerderungen. D'Françoise Keller war op der Plaz an huet mat Betraffenen iwwer hir Andréck nom Tornado geschwat.

Net verpassen

  • BEAUTIFUL DECAY Festival

    Beautiful Decay Festival.jpg

    Vum 28.-29. Mee ass den BEAUTIFUL DECAY Festival am Gréiweschlass zu Käerch. De radio 100,7 ass e Samschdeg den 28.05. live sur place.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen