USA Éischt Amtshandlunge vum neien US-President Joe Biden
Eng vun den éischten Amtshandlunge vum neien US-President Joe Biden war et, dem Präisser Klimaaccord bäizetrieden - déi Prozedur leeft elo. Domat huet hien eng vun den ëmstriddensten Decisioune vu sengem Virgänger Donald Trump réckgängeg gemaach.
Den Joe Biden huet gëschter 17 Dekreter ënnerschriwwen, hien huet och den Austrëtt vun der Weltgesondheetsorganisatioun WHO gestoppt. De Antony Fauci, Virusexpert vun der amerikanescher Regierung, soll haut schonn un enger Sitzung vun der WHO deel huelen.
Weider Dekreter revidéieren d'Areespolitik vum Donald Trump: esou gëtt direkt opgehalen d'Mauer un der Grenz mat Mexiko ze bauen - an och den Areesverbuet fir verschidde muslimesch Länner, deen den Trump 2017 verhangen ass, ass ophuewen.
Aschätzunge vun eisem Washington-Korrespondent Philip Crowther
America first ass eriwwer, den Joe Bidden huet ugekënnegt, datt d'USA erëm international wëlle present sin.
Den Joe Bidden huet sech no senger Vereedegung u seng Mataarbechter am wäissen Haus adresséiert a kloer gemaach, datt hie Respektlosegkeet net wäert toleréieren. Et sollt een Aarbechtskolleege mat Anstand a Würd behandelen, anescht gëtt een entlooss, esou de Biden.
Haut soll den Biden en éischten auslännesche Regierungschef uruffen, an dat ass de kanadesche Premier Justin Trudeau.
Méi zum Thema
Den Joe Biden gëtt haut vereedegt
Haut um 12 Auer mëttes Lokalzäit gëtt den Donald Trump vum Joe Biden als US-President ersat. D'Sécherheetsmoossnamen an der Haaptstad Washington sinn extrem, an d'Angscht viru Gewalt ass grouss.
Live
Joe Biden huet d'Wal gewonnen
Den Joe Biden huet Meldunge vu amerikanesche Medien no d'Wal fir d'Presidentschaft an den USA gewonnen. AP huet gemellt, datt hien d'Wal am Pennsylvania gewonnen huet an domat iwwer 270 Stëmme kënnt.
