Martine Neuberg Eichenprozessionsspinner erëm ënnerwee

Wéinst de méi héijen Temperaturen am Wanter verbreet sech den Eichenprozessionsspinner zu Lëtzebuerg ëmmer méi. D'Hoer vun de Raupe kënne geféierlech fir Mënsch an Déier sinn.

Carole Schimmer / cz

Martine Neuberg

Lauschtert de Bäitrag vum Carole Schimmer


Dee Päiperlek gëtt et u sech scho laang zu Lëtzebuerg, e konnt schonn am 19. Joerhonnert hei am Land nogewise ginn. Den Eichenprozessionsspinner kann een am Larvestadium gutt erkennen duerch d'Hoer, déi en u sengem Kierper huet, mee och duerch säi Verhalen. D'Raupe wandere quasi a Prëssessiounen an hale sech zesummen an Näschter op. Et wier schwéier virauszesoen, wéi séier e sech verbreede kann, seet d'Martien Neuberg, vun der Natur- a Bëschverwaltung.

"De Päiperlek flitt relativ wäit fir déi Zort vun Insekt an doduerch kann e sech esou gutt verbreeden. Dat mécht et och ganz schwéier fir ee Monitoring vun de Päiperleken ze realiséieren."

Raupe kënne geféierlech fir Mënsch an Déier sinn

Den Eichenprozessionsspinner ass nëmme geféierlech als Raup. D'Hoer stoussen een Nesselgëft aus an hu Widderhaken, déi sech an der Haut vu Mënsch an Déier festsetzen. Dat Nesselgëft provozéiert Irritatiounen op der Haut, an den Aen oder an de Longen. A ganz seelene Fäll kann dat och zu engem allergesche Schock féieren.

Raupe vu spezialiséierte Firmaen entsuerge loossen

Observéiert een esou een Nascht, da kann een dat bei der Naturverwaltung mellen, esou d'Martine Neuberg.

"Mir versichen dann ee Monitoring ze maachen a kucken, wou de Päiperlek virkënnt an a wat fir enger Quantitéit. Ewech maache soll een dat ënner kengen Ëmstänn selwer, well et immens geféierlech ass. Et soll een eng spezialiséiert Firma ruffen. Déi saugen dat of, entsuergen d'Hoer an d'Raupen an hunn och Schutzkleeder un.

An der Natur ginn et och aner Zorte Gespinnspäiperleken

Et soll een déi aner Zorte Gespinnspäiperleken net fäerten, mee bei Raupe soll een ëmmer virsiichteg sinn, warnt d'Martine Neuberg.

"Et ginn nach aner Aarten, déi net esou schlëmm fir de Mënsch si wéi den Eichenprozessionsspinner, mee trotzdeem soll een awer oppassen. Och déi hunn Ofwiermechanismen."

Méi zum Thema

Eng Blomees
Vullestierwen

An 20 Deeg krut Natur&Ëmwelt iwwer 200 doudeg Blomeesen a ronn 150 krank Villercher eragemellt. Verschidde Laboen an Däitschland hu mëttlerweil ermëttelt, datt dat vun enger Bakteerie ausgeléist gëtt.

Aedes albopictus
Asiatesch Tigermoustique

Déi geféierlech Asiatesch Tigermoustique verbreet sech zanter de 70er Joren ëmmer méi op all de Kontinenter op der Welt an dat och an Europa. Ass si och schonn zu Lëtzebuerg ukomm?

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen