Gratis ëffentlechen Transport Eenzeltickete si fir Frontaliere méi deier ginn

Fir verschidde Frontalieren huet de gratis ëffentlechen Transport een negativen Impakt op de Portmonnie. Deemno musse Persounen, déi aus noe Grenzgebidder wéi Pärel oder Lonkech mam Bus schaffe kommen, méi deier fir eenzel Tickete bezuelen.

Maxi Pesch / cbi

M-Kaart
Foto: Bigstock / Alena.K

Vum 1. Mäerz u kascht een eenzele RegioZone-Ticket op Lëtzebuerg dräi Euro am Plaz vun zwee Euro. Dat läit dodrun, datt dës Gebidder bis ewell vum bëllegen nationalen Tarif profitéiert hunn, elo allerdéngs ënner dee méi deiere RegioZone-Tarif falen, seet d'Annick Trmata vum Mobilitéitsministère op Nofro hin.


De ganzen Interview mat der Annick Trmata lauschteren


Ob d'Grenzgänger hiren Auto an Zukunft dofir éischter zu Lëtzebuerg wäerte stoe loosse fir op den ëffentlechen Transport ëmzeklamme bleift ofzewaarden, seet d'Annick Trmata. Anescht wéi déi eenzel Tickete sinn d'Abonnementer fir d'Frontalieren allerdéngs méi bëlleg ginn.

Méi zum Thema

Michèle Sinner Kommentar
Chronik

Zanter de Samschdeg ass den ëffentlechen Transport fir d'Utilisateure gratis. Mee wat d'Regierung ausser gutt Laun verbreeden domat wëllt erreechen, weess een net, mengt d'Michèle Sinner.

Dany Frank
Gratis ëffentlechen Transport

Ronn 540 Milliounen Euro wäert den ëffentlechen Transport de Staat an Zukunft pro Joer kaschten. Erhofft gëtt sech, datt an Zukunft manner Leit an den eegenen Auto klammen, sou d'Dany Frank vum Mobilitéitsministère.

LuxTram
Gratis Ëffentlechen Transport

Vun e Samschdeg u soll den ëffentlechen Transport zu Lëtzebuerg gratis sinn. D'Gratuitéit ass nëmmen ee Bausteen an der Strategie vum Transportministère, fir déi ëffentlech Verkéiersmëttelen ze fërderen.

Jean Schintgen
Ticketlosen ëffentlechen Transport

Vun e Samschdeg un ass den ëffentlechen Transport fir jiddwereen hei am Land gratis. Mee si Bus an Zuch och fir jiddwereen d'selwecht accessibel? Wéi gesäit et zum Beispill fir Rollstullfuerer oder blann Leit aus?

Programm

Praktesch Infoen

  • 27.5. Generatiounen

    27.5. Generatiounen

    Sonn duerch Vitaminnen, eng richteg Kinosfamill an de Feeling vum Café des Artistes bei Iech an d'Stuff

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen